О Марыя, Ты, нібы галубка бездакорнай белі, узнеслася над брудам свету і пазбегла ўсялякага граху, што ганьбіць гэтую зямлю. Учыні, каб часовыя даброты не зацьмілі нашага духу. Навучы нас карыстацца імі дзеля хвалы Божай і на карысць бліжнім.
Кожны дзень навэнны молімся:
Вітай, Марыя... Хвала Айцу...
С.: Маліся за нас, Беззаганная Панна,
Н.: Каб сталіся мы годнымі абяцанняў Хрыстовых.
Молімся: Божа, Ты праз Беззаганнае Зачацце Найсвяцейшай Панны Марыі падрыхтаваў годнае месца прабывання для свайго Сына, а праз будучыя заслугі смерці Хрыста захаваў Яе ад усялякага граху. Дзякуючы Яе заступніцтву дазволь і нам прыйсці да Цябе з чыстым сэрцам. Праз Хрыста, Пана нашага.
Н.: Амэн.