Мы салезіяне!

Мы любім Бога і выхоўваем моладзь!

Галоўная Хто мы

Мы, салезіяне ксяндза Боско (SDB)

Мы, салезіяне ксяндза Боско (SDB), з’яўляемся ў Каталіцкім касцёле законным інстытутам на папскіх правах. Наша афіцыйная назва гучыць так: Таварыства св. Францішка Сальскага.
Мы з’яўляемся актыўнай супольнасцю, якая дзейнічае, прысвячаючы сябе апостальскай і місіянерскай працы.Салезіяне ксяндза Боско, афіцыяльна вядомыя як Таварыства св. Францішка Сальскага – прызнаны ў Касцёле законны інстытут духавенства, які падпарадкоўваецца папскаму праву і вядзе апостальскую працу. Гэта мужчынская законная супольнасць, якая прысвячае сябе апостальскай і місійнай працы, а таксама разнастайным справам, натхнёным хрысціянскай любоўю, перад усім службе на карысць моладзі, асабліва беднай і пакінутай. Для яе дабра мы працуем у пастаральных і выхаваўчых установах такіх як школы, прафесійныя навучальныя і выхаваўчыя установы, араторыі, моладзевыя цэнтры, цэнтры пакліканняў, выдавецтвы і інш.

Салезіянскае таварыства было заснавана ў Італіі ў 1859 годзе св. Янам Боско, які ўсё сваё жыццё прысвяціў працы для дабра маладых людзей, выхоўваючы з іх сумленных грамадзян і добрых хрысціян. Ён арганізаваў для іх араторыі (месцы вучобы, гульні, малітвы і працы), а такса школы, якія давалі магчымасць атрымаць прафесію і вучыцца далей. Са сваіх выхаванцаў св. Ян Боско заснаваў Таварыства св. Францішка Сальскага, члены якога пакліканы працягваць справу Айца і Настаўніка моладзі.
Мы працягваем справу кс. Боско і застаёмся вернымі харызме, якую ён нам пакінуў: “Быць для моладзі знакам Божай любові”. Таму, дзе б мы не былі, крытэрыямі нашай працы з’яўляюцца:
патрэбы моладзі і грамадскага асяроддзя;
жаданне дзейнічаць у адзінстве з Касцёлам і ад яго імя;
прагненне збудаваць больш справядлівы і братэрскі свет у Хрысце.
У свеце нас больш за 15 тыс., мы прысутнічаем на 5 кантынентах у 132 краінах свету. Мы стараемся зразумець і прыняць багацце культур краін, у якіх працуем, каб у духу павагі і супакою абвяшчаць Евангелле.
На сучасную тэрыторыю Беларусі Салезіяне прыехалі каля 1920 года і працавалі ў мястэчку Дварэц (зараз гэта Гродзенская вобласць), дзе адкрылі цяслярскую школу.

Больш інфармацыі пра нас

Таксама мы

Сёстры

Дочкі Марыі Успамогі – сёстры салезіянкі (FMA).

Супольнае жыццё з’яўляецца неад’емнай часткай духоўнасці сясцёр. Супольнасць імкнецца стварыць “адно сэрца і адну душу”. Дочкі Марыі Успамогі пакліканы служыць Пану Богу сярод дзяцей і моладзі з радасцю і ў сямейным духу.

Супольнасці, якія нясуць сваё служэнне на Беларусі, прыналежаць да візітаторыі Усходняй Еўропы і Грузіі (EEG). У візітаторыі восем супольнасцяў сясцёр салезіянак: у Беларусі, ва Украіне, у Расіі і Грузіі.

Салезіяне супрацоўнікі

Салезіяне супрацоўнікі (ASC)

Салезіяне супрацоўнікі – гэта свецкія людзі, якія жывуць паводле салезіянскіх каштоўнасцяў і прытрымліваюцца апостальскага стылю жыцця, апісанага ў правілах апостальскага жыцця (ПАЖ).

Салезіяне супрацоўнікі звычайна маюць грамадскую працу, жывуць у сваіх сем’ях, дзе ў першую чаргу і рэалізуюць сваё пакліканне. Як свецкія салезіяне яны ў асабістым жыцці наследуюць ідэалы святога Яна Боско.

У Беларусі налічваецца каля 60 салезіянаў супрацоўнікаў. Яны рэалізуюць сваё пакліканне пры салезіянскіх парафіях у Мінску, Смаргоні і Бараўлянах, дзе дапамагаюць у справе выхавання і збаўлення моладзі.

АДМА

Асацыяцыя Марыі Успамогі (ADMA)

Асацыяцыя Марыі Успамогі падкрэслівае асаблівую каштоўнасць марыйнай пабожнасці, як інструмента евангелізацыі і пашырэння культу шанавання Маці Божай. Апостальства ўдзельнікаў асацыяцыі мае свае мэты: жыць евангельскімі каштоўнасцямі і распаўсюджваць набажэнства да Марыі Успамогі ў духу святога Яна Боско, маліцца аб пакліканнях, наследаваць Марыю ў яе клопаце аб тых, хто найбольш патрабуе.

У Беларусі ўдзельнікі ADMA рэалізуюць сваё пакліканне пры салезіянскіх парафіях.

Аніматары

Малады чалавек становіцца салезіянскім аніматарам, калі мае жаданне ахвяраваць свой час дзеля дабра дзяцей і моладзі. Такі чалавек павінен мець павагу ў вачах равеснікаў і моладзі, а таксама выхавацеляў. Аніматары праходзяць адпаведную фармацыю і рэалізуюць выхаваўчы і евангельскі запал у араторыях пры салезіянскіх парафіях.

Савіо-клуб

“Савіо-клуб” – гэта суполка для дзяцей ад 10 да 14 год, якія прагнуць жыць у веры і наследаваць шлях святасці св. Дамініка Савіо. Разам з аніматарамі яны ўзрастаюць у любові да Бога праз сумесныя малітвы, духоўныя размовы, віктарыны, гульні, вандроўкі. “Савіо-клубы” дзейнічаюць пры салезіянскіх парафіях у Мінску, Смаргоні і Бараўлянах.

Міністранты

Міністрант - гэта асоба, якая дапамагае святару падчас літургіі. Паслуга міністранта каля алтара падзяляецца на пэўныя функцыі і мае некалькі ступеняў. Міністранты таксама праходзяць адпаведную фармацыю. Міністранты з салезіянскіх парафій выхоўваюцца ў духу асаблівай пабожнасць да святога Дамініка Савіо.