Пасля сумеснага спажывання ежы ўдзельнікаў чакала цікавая праграма адкрыцця Савіо-Клуба ў гэтым годзе. Прысутныя змаглі адчуць сябе на тэле-шоў СавіоTV, галоўнымі вядучымі якога былі с. Юлія Клявец FMA і кс. Артур Ляшнеўскі SDB. Падчас інтэрактыўнай праграмы дзеці і іх бацькі пазнаёміліся са св. Дамінікам Савіо – духоўнай інспірацыяй клуба, правіламі суполкі а таксама праглядзелі відэа-рэпартаж з жыцця клуба ў мінулым годзе. Таксама прысутным былі прадстаўлены новыя чальцы суполкі. Пасля сумеснай гульні савікаў і іх бацькоў чакала слоўка-сцэнка, падрыхтаваная аніматарамі клуба. У сцэнцы дзеці ўбачылі анёла, які прапаноўваў групе людзей німб святасці, аднак большасць не хацела яго насіць, бо была занята зямнымі справамі. У рэшце німб падышоў хлопцу, які меў вялікае сэрца, адкрытае на патрэбы іншых. Мараллю сцэнкі і пасланнем для савікаў было завярджэнне: што святасць – яна таксама і для цябе, і што здабыць яе можна праз добрыя ўчынкі і адкрытасць на іншага чалавека.
Другі этап святкавання адбыўся ў нядзелю 26 верасня. Савікі і іх бацькі сабраліся на ўрачыстай Эўхарыстыі, якую ўзначаліў бп. Казімір Велікаселец. Падчас гаміліі іерарх распавёў прысутным пра важнасць веры і прыслухоўвання да Божага голасу ўнутры нас. Пасля гаміліі перад сабранымі вернікамі ўрачыста ў першы раз склаў абяцанні ўдзельніка клуба адзін з яго чальцоў. Пасля абяцанняў яму была падараваная майка з выявай герба Савіо-Клуба. Год у мінскім Савіо-Клубе распачаўся радасна і аптымістычна. Дзеці і бацькі вярнуліся ў свае дамы са шчырай усмешкай на твары.
