З 6 па 8 мая ў Шчучыне адбыліся Дыяцэзiяльныя Дні Моладзі Гродзенскай дыяцэзіі. На гэтым фэсце пабывалі таксама прадстаўнікі салезіянскіх араторыяў са Смаргоні і Дзятлава.

5 мая Cалезіянская сям’я Смаргоні адзначыла свята св. Дамініка Савіо, выхаванца ксяндза Боско. Гэтага святога юнака з араторыя на Вальдокка часта называюць маленькім гігантам духа, таму што ён у маладым узросце дасягнуў значную ступень духоўнага жыцця і ўжо пры жыцці яго называлi святым. Дамінік Савіо з’яўляецца апекуном міністрантаў, моладзі і цяжарных жанчын.

28 красавіка ў араторыі св. Яна Боско, які дзейнічае пры парафіі Святога Міхала Арханёла ў Смаргоні адбылося свята для вясенніх і летніх імяніннікаў.

У нядзелю Божай Міласэрнасці вернікі парафіі Святога Міхала Арханёла ў Смаргоні мелі магчымасць узяць удзел у пасхальным канцэрце “Бог не памёр”. Канцэрт распачаўся вечарам на палявам алтары парафіі. Галоўнай ідэяй штогадовага традыцыйнага канцэрта з’яўляецца падзяка Езусу Хрысту за дар Пасхі – збаўлення для кожнага з нас.

Крыжовы шлях – гэта каталіцкае набажэнства, сэрцам якога з’яўляецца адарацыя мукі Пана на шляху да Галготы. Набажэнства паўстала ў Ерузалеме – месцы, дзе фактычна адбылося ўсё тое, што мы перажываем падчас гэтай малітвы.

Салезіяне запрашаюць юнакоў і дзяўчат з 16 да 35 год да ўдзелу ў DON BOSCO YOUTH FEST (#Bosco_Fest ). #Bosco_Fest - гэта сустрэча маладых людзей у салезіянскім стыле, якая ўключае ў сябе малітву, адпачынак, майстар-класы, супольны час і шмат чаго іншага.

З 25 па 29 сакавіка ў смаргонскім араторыi імя св. Яна Боско пры парафіі св. Міхала Арханёла прайшлi вакацыі для дзяцей на тэму “З Езусам па жыцці”. Арганізатарамi вакацый выступiлi с. Валянціна Кот FMA, с. Юлія Клявец FMA , дыякан Артур Ляшнеўскі SDB, памочнікі аніматараў, аніматары і кандыдаты.