16 кастрычніка ў парафіі свв. Апосталаў Пятра і Паўла ў Жупранах адбылася прыміцыйная святая Імша кс. Алега Каралёва SDB. Некалькі месяцаў назад менавіта ў гэтым касцёле перад абразом Маці Божай Балеснай кс. Алег рыхтаваўся да святарскага пасвячэння.

8 − 9 кастрычніка ў мінскім салезіянскім араторыі адбылася сустрэча для хлопцаў, якія жадаюць распазнаць сваё жыццёвае пакліканне. Гэтую магчымасць выкарысталі 15 чалавек з Жупран, Смаргоні, Бараўлян і Мінска.

7-9 кастрычніка 2016 года ў варшаўскім інспектарыяльным доме адбылася фармацыйная сустрэча салезіянаў асістэнтаў з варшаўскай інспекторыі, да якой належыць і беларуская дэлегатура — Рэлігійная Каталіцкая Місія «Таварыства св. Фрацішка Сальскага». Шэсць маладых сабратоў узялі ўдзел у гэтай сустрэчы. Трое з іх з нашай краіны: Міхаіл Радзевіч SDB, Марк Найдзіч SDB і Юрый Пашкавец SDB.

9 кастрычніка ў парафіі Святога Яна Хрысціцеля ў Мінску адзначылі дзень нараджэння ксяндза Івана Огара SDB. Першымі ксяндза Івана павіншавалі самыя малодшыя парафіяне. Дзеці напрыканцы дзіцячага араторыя заспявалі для святара спевы, прачыталі вершы, сыгралі на скрыпцы і падарылі прыгожыя кветкі.

25 верасня салезіянская сям’я Беларусі сабралася разам у мінскай парафіі св. Яна Хрысціцеля, каб урачыста адзначыць уступленне кс. Паўла Шчарбіцкага SDB на пасаду дырэктара супольнасці.

25 верасня ў Смаргоні ў парафіі св. Міхала Арханёла адбылася святая Імша, падчас якой вернікі падзякавалі Пану Богу за дар паклікання і служэння ў парафіі кс. Паўла Шчарбіцкага SDB.

18 верасня ў вёсцы Жупраны Гродзенскай вобласці адзначылі дзесятую гадавіну святарства ксяндза Віктара Гайдукевіча SDB. Святарскае пасвячэнне ксёндз Віктар атрымаў 2 верасня 2006 года ў сваім родным жупранскім касцёле з рук ардынарыя Гродзенскай дыяцэзіі біскупа Аляксандра Кашкевіча. Варта адзначыць, што ў гэтым годзе адказны за Салезіянскую сям’ю на Беларусі ўрачыста адзначаў гэты юбілей 11 чэрвеня ў Смаргоні разам з усімі сабратамі. Таму гэта сустрэча на малой радзіме ксяндза Віктара праходзіла ў больш цесным акружэнні родных, блізкіх і сяброў.