Працягваем знаёміць вас з праектам “Сабраты ў фармацыі”. На гэты раз сваёй гісторыяй з чытачамі нашага сайта дзеліцца навіцый Міхаіл Вішнеўскі, які зараз удасканальваецца ў пакліканні ў Славакіі.

Ксёндз Ігар Лашук – першы пробашч парафіі святога Яна Хрысціцеля (Мінск, Серабранка) – 24 чэрвеня прыехаў да сваіх былых парафіянаў, каб разам адсвяткаваць адпустовую ўрачыстасць і 25-годдзе свайго святарства.

16 чэрвеня ў Смаргоні Салезіянская сям’я Беларусі адзначыла дзень адзінства. На святкаванне прыбыло шмат людзей з усёй краіны: святары салезіяне, сёстры салезіянкі, салезіяне супрацоўнікі, аніматары, дзеці, моладзь і шматлікія вернікі з усіх салезіянскіх пляцовак. Ганаровымі гасцямі на свяце сталі Апостальскі Нунцый у Беларусі арцыбіскуп Габар Пінтэр, біскуп Аляксандр Яшэўскі SDB, а таксама ксёндз Юзаф Занеўскі SDB, які распачынаў салезіянскую справу ў Беларусі і які якраз у гэтыя дні святкаваў саракавую гадавіну святарства.

Ксёндз Ігар Лашук – які распачынаў салезіянскую справу ў Мінску – адзначыць 25-ую гадавіну святарскага пасвячэння 15 чэрвеня. З юбілеем свайго сабрата, для кагосьці – першага пробашча, а для кагосьці – духоўнага айца, настаўніка і выхаваўцу, 9 чэрвеня ў Багданава разам з дапаможным біскупам Аляксандрам Яшэўскім SDB прыехалі павіншаваць і падтрымаць салезіяне і моладзь.

12 мая Артур Ляшнеўскі SDB разам з адзінаццаццю сабратамі салезіянамі з Польшчы і Украіны атрымаў дыяканскае пасвячэнне з рук дапаможнага біскупа Мінска-Магілёўскай дыяцэзіі Аляксандра Яшэўскага SDB. Абрад пасвячэння быў удзелены ў касцёле св. Станіслава Косткі ў Кракаве.

7 красавіка ў Турыне сабрат у фармацыі Юрый Пашкавец SDB стаў лектарам. Лектарат з’яўляецца важным крокам на шляху падрыхтоўкі да сакрамэнту святарства. Ступень лектара падкрэслівае, што чалавек асаблівым чынам прысвечаны для абвяшчэння Божага Слова і яго чытання на літургіі.

З 2 па 6 красавіка ў адукацыйным цэнтры айцоў вярбістаў у Баранавічах сабраты салезіяне сабраліся на штогадовыя духоўныя рэкалекцыі. Рэкалекцыі мелі ў сабе мэту духоўнай адновы і ўзмацнення для рэалізацыі свайго салезіянскага і святарсткага паклікання.