Чацвер, 05 Май 2016 09:30

Сабраты Салезіяне

Душпастырскую і святарскую дзейнасць праводзяць сабраты салезіяне (Салезіяне Дона Боско, СДБ альбо SDB), заснаваныя святым Янам Боско (1815-1888) у Італіі. Ян Боско асабліва клапаціўся пра моладзь, таму і нашы святары шмат працуюць з маладымі.

Апублікавана ў Сям'я

“ProVocatio”-сустрэча аб пакліканні для хлопцаў узростам ад пятнаццаці гадоў адбылася з 30 красавіка - па 1 мая ў салезіянскім араторыі імя св. Дамініка Савіо ў Бараўлянах. Пад час двух дзен хлопцы разважалі на наступныя тэмы :”Учора”, ”Сёння” і “Заўтра”. На сустрэчу аб пакліканні прыехалі хлопцы з Мінску, Смаргоні, Жупран, Бабруйска і Бараўлян.

Апублікавана ў Навіны

Заклікаем да наступнай малітвы у інтэнцыі падрыхтоўкі да візіту Генеральнага настаяцеля ў Беларусь праз заступніцства святога Яна Боско:

Апублікавана ў Малітоўнік

З 4 па 8 красавіка манаская супольнасць cалезіян Беларусі ўдзельнічала ў штогадовых рэкалекцыях, якія праходзілі ў Міждыяцэзіяльнай вышэйшай духоўнай каталіцкай семінарыі імя св. Тамаша Аквінскага ў Пінску. Духоўныя практыкаванні праводзіў рэктар семінарыі кс. Андрэй Рылка.

Апублікавана ў Навіны

План працы і асноўныя накірункі дзейнасці на наступныя тры гады былі распрацаваны на сустрэчы 8 сакавака ў Смаргоні. Такая сустрэча была першым крокам на шляху стварэння Рады салезіянскіх араторыяў Беларусі, якую было вырашана заснаваць у ходзе візітацыі Рэгіянальнага настаяцеля.

Апублікавана ў Артыкулы

З 17 лютага па 05 сакавіка адбылася кананічная візітацыя ў салезіянскіх супольнасцях Беларусі, якую здзейсніў Рэгіянальны Настаяцель Рэлігійнай Каталіцкай Місіі «Таварыства св. Фрацішка Сальскага» кс. Віктар Гайдукевіч SDB.

Апублікавана ў Навіны

14-15 лiстапада ў в. Жупраны (Гродзенская дыяцэзiя) ксяндзы салезіяне арагнізавалі сустрэчу для хлопцаў, якiя адчуваюць святарскае альбо законнае паклiканне. Яе ўдзельнікамі былі маладыя людзі з Мiнску, Смаргонi, Бараўлянаў i Жупранаў – усяго каля 20 чалавек.Cустрэча распачалася супольнай малітвай, каб запрасіць Бога ў разважанні над сваім жыццёвым шляхам і даверыць Яму гэты выбар. Добрым спосабам пазнаёміцца бліжэй і паназіраць за паводзінамі чалавека з’яўляецца гульня. Таму арганізатары выкарысталі гэты метад, каб даць магчымасць хлопцам стаць больш адкрытымі.

Пасля ўводзінаў кс. Павел Шчарбіцкі SDB прамовіў для сабраных канферэнцыю аб святарскім пакліканні. Тэма канферэнцыі “Слабасць + пакора = сіла!”, дапамагла хлопцам зразумець, што слабасць чалавека не перашкаджае пакліканню, але становіцца вялікай сілай, калі яе ў пакоры даверыць Богу. У супрацоўніцтве з Творцам слабы можа ўзрастаць і чыніць вялікія справы. Кс. Павел падкрэсліў,  што святары ўзяты з народа i для народа. І яны з усiмi сваiмi слабасцямi могуць стаць алоўкамi, якiя Бог трымае ў руках i пiша імі сваю гiсторыю. З адным такім Божых алоўкам маладыя людзі пазнаёміліся пад час прагляду камедыйнага мастацкага фільму «Дон Камiлло». Пазней на  дыскусіі яны прыйшлі да высновы, што найважнейшая рыса добрага пастыра – гэта любоў да Бога. З гэтай любові нараджаецца і пакора, і ахвярнасць, і жаданне служыць.

Дзень скончыўся адарацыяй Найсвяцейшага Сакрамэнту. У прысутнасці Пана юнакі мелі магчымасць абмеркаваць свой жыццёвы шлях сам на сам з Ім.

Другі дзень быў засяроджаны на разважаннях аб пакліканні да святарскага служэння ў харызме кс. Боско. Пасля літургіі гадзінаў і снядання, хлопцы паслухалі канферэнцыю кс. Івана Огара SDB “Адметнасць салезіянскага паклікання”. На прыкладзе асобы св. Яна Боско і кангрэгаціі, якую ён заснаваў, кс. Іван распавёў пра шлях да святасці ў салезіянскай харызме. Хлопцы даведаліся аб яе характэрыстыках і адрозненнях ад іншых.

Скончылася ўсё св. Імшой і падвядзеннем вынікаў. Арганізатары адзначылі, што бачаць вялікую карысць і пазітыўны плён такіх акцый. Асаблівым чынам святары падкрэслілі клімат даверу і дзялення. Па назіранням салезіянаў, маладыя людзі пачынаюць адкрывацца і размаўляць, дзяліцца адзін з адным і са святарамі сваімі перажываннямі, задаваць пытанні. Так ідзе працэс узаемаўзбагачэння і ўзаемападтрымкі. Сеецца зерне, плён з якога вядомы Богу.

Сустрэчы для разважання над пакліканнем да святарскага альбо законнага жыцця для хлопцаў салезіяне арганізуюць чатыры разы на год. Такім чынам арганізатары могуць на працягу года суправаджаць і падтрымліваць маладых людзей, якія адчуваюць пакліканне. Тры 2-ухдзённыя акцыі праходзяць на працягу навучальнага года, чацвёртая – вакацыйная – летам. Летняя сустрэча працягвацца каля 2-ух тыдняў, на ёй падводзяцца вынікі года і плануецца будучы год. Мэтай сустрэч з’яўляецца дапамога у вызначэнні крытэрыяў паклікання, ачышчэнне інтэнцыі, адказ на пытанні маладых людзей, дапамога ў падрыхтоўцы да выбранага шляху.

Наступная такая сустрэча пройдзе 20-21 лютага 2016 года ў г. Смаргонь. На яе запрошаны хлопцы, якія задумваюцца над святарскім альбо законным пакліканнем, асабліва салезіянскім. Узрост удзельнікаў ад 15 гадоў і вышэй.

Па ўсіх пытаннях можна звяртацца да адказнага за Прэнавіцыят "Таварыства св. Францішка Сальскага" у Беларусі кс. Івана Огара SDB па тэл.: +375(29) 691 02 22

Апублікавана ў Навіны

Апошнія навіны

Думкі ксяндза Боско

Мы будзем збаўлены дзякуючы Божай Ласкі і Яго дапамогі, якой заўсёды хопіць, каб толькі была на тое наша воля. Маліцеся, каб малітва з гэтай мэтай была сапраўды дзейнай. Праз веру атрымаеце тое, аб чым просіце.

Св. Ян Боско