11 жніўня Марк Найдзіч SDB аднавіў свае манаскія абяцанні на рукі біскупа салезiянiна Уладзіміра Фэтэкэ, апостальскага прэфекта Азербайджана.

30 червеня ў Смаргонi падчас святой Імшы, з якой удзельнікі салезіянскай моладзевай евангелізацыйнай пілігрымкі распачалі свой шлях да Мацi Божай Будслаўскай, малады сабрат Юрый Пашкавец SDB склаў вечныя манаскія абяцанні на рукі рэгіянальнага настаяцеля салезіянскага таварыства на Беларусі ксяндза Віктара Гайдукевіча SDB.

Дарагая салезіянская сям’я, жадаю падзяліцца з вамі вялікай радасцю - 30 чэрвеня ў Смаргоні на св. Імшы ў 10.00, з якой пілігрымы СМЕПа распачнуць свой шлях да Маці Божай Будслаўскай, наш сабрат Юрый Пашкавец SDB складзе вечныя манаскія абяцанні ў салезіянскім Таварыстве.

18 чэрвеня салезіяне Беларусі перажылі дзень засяроджання. Месцам правядзення дня духоўнай адновы была выбрана салезіянская супольнасць Св. Яна Боска ў Мінску.

16 чэрвеня ў парафіі Святых апосталаў Пятра і Паўла ў Жупранах адзначылі 25-годдзе святарскага жыцця ксяндза Казіміра Муравы SDB. Значную частку з гэтых 25 год ксёндз Казімір нёс пастырскую паслугу на Беларусі, зараз ён з’яўляецца пробашчам парафіі ў Жупранах.

9 чэрвеня адбылася першая прыміцыйная Імша новапрэсбітэра Артура Ляшнеўскага SDB. Імша адбылася ў мікрараёне Сухарава ў парафіі Беззаганнага Зачацця Найсвяцейшай Панны Марыі, якой апякуюцца айцы марыяне і якая з’яўляецца роднай для ксяндза Артура.

8 чэрвеня 2019 года, ва ўспамін благаслаўлёнага салезіяніна-мучаніка Стэфана Шандора, у мінскай парафіі святога Яна Хрысціцеля ў святыні імя святога Яна Боско Артур Ляшнеўскі SDB атрымаў святарскае пасвячэнне. Сакрамант удзяліў дапаможны біскуп Мінска-Магілёўскай архідыяцэзіі, біскуп для Магілёва і Магілёўскай вобласці Яго Эксцэленцыя Аляксандр Яшэўскі SDB.