Паказаць змесціва па тэгу: Пакліканне

12 чэрвеня ў Турыне (Італія) два сабраты з Беларусі Марк Найдзіч SDB і Міхаіл Радзевіч SDB атрымалі дыяканскія пасвячэнні. Падзея адбылася ў базыліцы Марыі Успамогі Хрысціянаў, святыні вельмі важнай для ўсіх салезіянаў, бо пабудаваў яе сам Дон Боско. Акрамя беларусаў дыяканамі таксама сталі два салезіяніна з Нігерыі, адзін з Харватыі, тры з Італіі і адзін з Індыі.

 У панядзелак 7 верасня Марк Найдзіч SDB і Міхаіл Радзевіч SDB падчас урачыстай святой Імшы склалі вечныя манаскія абяцанні на рукі Генеральнага настаяцеля салезіянскага таварыства ксяндза Анхеля Фярнандэса Арцімэ.

 Салезіянскую (семінарыйную) фармацыю можна параўнаць з дарогай, а паслугі з’яўляюцца абавязковымі крокамі на ёй для дасягнення мэты, якой ёсць святарства. Салезіянін, кандыдат да святарства, на тэалагічным перыядзе адукацыі ў семінарыі (тэалагічным інстытуце) паглыбляе свае адносіны з Касцёлам, вывучае багаслоўе, каталіцкую тэалогію, а таксама развівае любоў да Слова Божага і здольнасці прапаведавання яго сучаснаму маладому чалавеку дзякуючы гамілетыцы. Салезіяне ў гэтым моманце фармацыі пазнаюць думкі Айцоў Касцёла, усведамляюць сутнасць касцёльных дагматаў і падрыхтоўваюцца да справавання сакрамэнтаў.

11 жніўня Марк Найдзіч SDB аднавіў свае манаскія абяцанні на рукі біскупа салезiянiна Уладзіміра Фэтэкэ, апостальскага прэфекта Азербайджана.

5 жніўня ў парафіi св. Міхала Арханёла ў Смаргоні маладыя сёстры салезіянкі аднавілі свае манаскія абяцанні. Сярод iх былi с. Юлія Клявец FMA і с. Дар’я Еўтухоўская FMA, якiя нясуць паслугу ў Беларусi, а таксама с. Наталля Іванова FMA і с. Хрысціна Кароль FMA, сёстры з Украіны.

З 1 па 10 жніўня ў аграгарадку Бярэзінскае (Маладзечанскi р-н, Мiнская вобл.) адбыліся рэкалекцыі для дзяўчат, якія праводзілі сёстры салезіянкі.

30 червеня ў Смаргонi падчас святой Імшы, з якой удзельнікі салезіянскай моладзевай евангелізацыйнай пілігрымкі распачалі свой шлях да Мацi Божай Будслаўскай, малады сабрат Юрый Пашкавец SDB склаў вечныя манаскія абяцанні на рукі рэгіянальнага настаяцеля салезіянскага таварыства на Беларусі ксяндза Віктара Гайдукевіча SDB.