29 верасня ў смаргонскай парафіі імя св. Міхала Арханёла адбылося ўрачыстае адкрыццё моладзевага араторыя імя св. Яна Боско на новы навучальны год. У арганізацыі вечара прымалі удзел як аніматары, так і звычайная моладзь, выхаванцы араторыя. Удзельнікамі з’яўляліся маладыя юнакі і дзяўчаты ад 7 класа і вышэй.

27 жніўня ў смаргонскай парафіі св.Міхала Арханёла падзякавалі за служэнне с.Вераніцы Огар FMA і с.Дар'і Еўтухоўскай FMA. Два гады сёстры служылі дзецям і моладзі ў араторыі, падчас катэхізацыі і дапамагалі ў парафіі.

Прадстаўнікі галін Салезіянскай сям’і і ўсіх груп салезіянскіх араторыяў Беларусі 25 жніўня сустрэліся ў Мінску, каб абмеркаваць план дзейнасці на наступны навучальны год. Святары, сёстры, салезіяне супрацоўнікі, ADMA-сям’я, аніматары, “Савіо-клуб” і іншыя
групы былі прадстаўлены на сустрэчы.

З 9 па 20 ліпеня ў араторыі імя св.Яна Боско ў Смаргоні прайшлі Вакацыі з Богам. Больш за 90 дзяцей разам з аніматарамі, дыяканам Артурам Ляшнеўскім SDB і сястрой Дар'яй Еўтухоўскай FMA, гледзячы на прыклад жыцця бл. Лаўры Вікуніі, разважалі над тэмай лагера, якая гучала так: "Любоў і дапамога — гэта шлях да Бога".

16 чэрвеня ў Смаргоні Салезіянская сям’я Беларусі адзначыла дзень адзінства. На святкаванне прыбыло шмат людзей з усёй краіны: святары салезіяне, сёстры салезіянкі, салезіяне супрацоўнікі, аніматары, дзеці, моладзь і шматлікія вернікі з усіх салезіянскіх пляцовак. Ганаровымі гасцямі на свяце сталі Апостальскі Нунцый у Беларусі арцыбіскуп Габар Пінтэр, біскуп Аляксандр Яшэўскі SDB, а таксама ксёндз Юзаф Занеўскі SDB, які распачынаў салезіянскую справу ў Беларусі і які якраз у гэтыя дні святкаваў саракавую гадавіну святарства.

27 мая ў Смаргоні адбылося Свята сям’і, якое стала ўжо традыцыйным для мясцовай парафіі св. Міхала Арханёла. Свята рыхтавалася ўсёй Салезіянскай сям’ёй - святарамі, сёстрамі, салезіянамі супрацоўнікамі, аніматарамі і моладдзю.

22 красавіка ў араторыі св. Яна Боско, які дзейнічае пры парафіі святога Міхала Арханёла ў Смаргоні, адбылося свята для дзяцей пад назвай “Дзень вясенняга імянінніка”.