З 17 па 18 лістапада ў вёсцы Лебедзева, што недалёка ад Маладзечна, адбылася сустрэча салезіянаў супрацоўнікаў, якія з’яўляюцца трэцяй галіной Салезіянскай сям’і. На сустрэчу прыбылі салезіяне супрацоўнікі і аспіранты, якія толькі рыхтуюцца да таго, каб далучыцца да асацыяцыі, з трох салезіянскіх дамоў Беларусі, а менавіта з Мінска, Смаргоні і Бараўлянаў. Многія ўдзельнікі сустрэчы прыехалі са сваімі дзецьмі, што надавала выхадным больш цёплую і сямейную атмасферу.
11 лістапада ў араторыі імя св. Яна Боско пры парафіі св. Міхала Арханёла ў Смаргоні адбылося свята восеньскіх імяніннікаў для дзяцей і іх бацькоў.
З 5 па 6 лістапада у араторыі імя св. Яна Боско (парафія св. Міхала Арханёла, Смаргонь) адбылося першае спатканне групы "Пошук" для падлеткаў з 8 па 9 клас. У сустрэчы прымалі ўдзел юнакі і дзяўчаты з Мінска, Бараўлянаў і Смаргоні. Усяго сабралося каля 30 чалавек.
3 і 4 лістапада ў Смаргоні адбылося першае спатканне групы “Пошук” для хлопцаў і дзяўчат з 10-11 класаў і вышэй. Сустрэчу арганізавалі айцы салезіяне і сёстры салезіянкі.
У мінскім араторыі імя св.Яна Боско з 29 кастрычніка па 2 лістапада адбыліся восеньскія Вакацыі з Богам пад назвай “Праз радасць у святасць”. У гэтым годзе арганізатары, якімі выступілі айцы салезіяне, сёстры салезіянкі і аніматары, вырашылі зрабіць вакацыі ў дзве змены: у першую прыходзілі дзеці з 3 па 7 клас, у другую - падлеткі ад 8 класа.
У араторыі імя святога Дамініка Савіо, што дзейнічае пры парафіі Маці Божай Успамогі Хрысціянаў у Бараўлянах, з 29 кастрычніка па 2 лістапада адбыліся Вакацыі з Богам. Разам з сястрой Люцыяй Бальцэвіч FMA дзеці разважалі над тэмай “Кожны можа Быць святым!".
У смаргонскім араторыі імя св. Яна Боско пры парафіі св. Міхала Арханёла прайшлі вакацыі для дзяцей з 1 па 7 клас з 29 кастрычніка па 2 лістапада. На працягу пяці дзён дзеці разважалі над тэмай: “Як малы, так і вялікі, можа быць святым”.
Араторый без музыкі, як цела без душы.
