Паказаць змесціва па тэгу: 2017

Распачалося гэтае свята з сустрэчы гасцей – св. Яна Боско і св. Лаўры Вікуньі. Пасля прывітання адбылося знаёмства з імі. Затым далучыліся астатнія вядучыя: вучні і сябры ксяндза Боско, і ўсе разам яны дзіўным чынам апынуліся ў тагачасным араторыі горада Турына.

Прадстаўляем Вашай увазе Дэвіз салезіянскай сям'і на 2017 год - штогадовае пасланне Генеральнага Настаяцеля кс. Анхеля Фернандэса Арцімэ SDB. У гэтым годзе ён гучыць так: "Мы сям'я. Кожны дом - школа Жыцця і Любові".

Свята ў гонар cвятога Яна Боско працягвалася ў мінскім араторыі таксама і ў нядзелю 29 студзеня. Сустрэча са Святым была арганізавана для дзяцей і іх бацькоў. Таксама ў гэты дзень маленькія парафіяне павіншавалі свайго пробашча, які абыходзіў свой дзень нараджэння.

Першыя ў гісторыі Беларусі Салезіянскія дні моладзі адбыліся 27-28 студзеня ў Мінску ў араторыі пры парафіі Святога Яна Хрысціцеля (Серабранка). На Дні моладзі прыехала больш 70 маладых людзей з усёй Беларусі. Праграма сустрэчы была разлічана на два дні і ўключала ў сябе творчую духоўную працу, адарацыю Найсвяцейшага Сакрамэнту і споведзь, цікавую экскурсію па Мінску ў суправаджэнні гіда, святкаванне ўрачыстасці святога Яна Боско і ўдзел ва ўрачыстай святой Імшы — кульмінацыі Салезіянскіх дзён моладзі, а таксама «Дон Боско–шоў» — святочная праграма ў гонар Святога. Прамая трансляцыя з араторыя вялася на youtube-канале sdb by News.

Кульмінацыяй першых Салезіянскіх дзён моладзі ў Беларусі стала святкаванне 28 студзеня ўрачыстасці святога Яна Боско, на якое ў мінскую парафію Святога Яна Хрысціцеля прыбылі члены ўсёй Салезіянскай сям’і і салезіянскіх парафій Беларусі. Важным госцем урачыстасці стаў Апостальскі Нунцый у Беларусі арцыбіскуп Габар Пінтэр, якога рэгіянальны настаяцель кс. Віктар Гайдукевіч SDB прывітаў «як свайго сярод сваіх», і падкрэсліў, што праз яго асобу ўся Салезіянская сям’я яднаецца са Святым Айцом Францішкам.

Другі дзень на Салезіянскіх Днях Моладзі распачаўся ў дзевяць гадзін раніцы ў касцёле. Удзельнікі памаліліся ютрань, пасля чаго ксёндз Віктар Гайдукевич SDB прамовіў канферэнцыю. Паразважаўшы над словамі рэгіянальнага настаяцеля, моладзь, якая прымае актыўны ўдзел у Дон Боско Шоў, адправілася на генеральную рэпетыцыю, а ўсім астатнім была прапанавана экскурсія по горадзе Мінску.

27 студзеня 2017 года ў мінскай парафіі Св. Яна Хрысціцеля распачаліся першыя ўсебеларускія Салезіянскія Дні Моладзі. Тэма дзён моладзі супадае з дэвізам салезіянскай сям’і на бягучы год: “Мы сям’я! Кожны дом – школа Жыцця і Любові”. Намаганне правядзенні такую акцыю былі ўжо даўно, і вось, нарэшце ў гэтым годзе мэта рэалізоўваецца. Дні моладзі будуць адбывацца два дні, кульмінацыяй стане святкаванне свята заснавальніка салезіянскага таварыства святога Яна Боско.