Упершыню ў Смаргоні пройдзе адкрыты кубак салезіянскага араторыя па мікрафутболе, дэвізам якога абраны наступныя словы: “Нагамі гуляйце ў футбол, а сэрцам жывіце ў небе”. У спаборніцтвах возьмуць удзел 10 каманд, у складзе якіх ёсць клерык, салезіяне супрацоўнікі, салезіянская моладзь, школьнікі горада, студэнты каледжаў і ВНУ.
10 снежня ў араторыі св. Яна Боско пры мінскай парафіі св. Яна Хрысціцеля адзначылі свята св. Мікалая.
10 снежня ў парафіі Маці Божай Успамогі Хрысціянаў (Бараўляны) склалі абяцанні аніматар і два кандытаты ў аніматары.
9 снежня салезіянская моладзь са Смаргоні накіравалася ў пілігрімку да Маці Божай Лідскай. У Лідзе разам з мясцовай моладзю юнакі і дзяўчаты перажылі дзень духоўнай адновы.
8 снежня Касцёл святкуе ўрачыстасць Беззаганнага Зачацця Найсвяцейшай Панны Марыі. Для Салезіянскай сям’і ўсяго свету гэты дзень асаблівы тым, што ён з’яўляецца днём зараджэння салезіянскай справы.
Адна з адметнасцяў валожынскай зямлі — старадаўняе мястэчка Ракаў. Нібы магутны карабель, лунае над ім велічны касцёл. За вёскаю, на старых каталіцкіх могілках, стаіць яшчэ адна святыня — капліца св. Ганны. Інтэр’ер гэтага могілкавага храма просты, нават сціплы, аднак наведвальніку кідаецца ў вочы невялікі абраз у бочным алтары капліцы. На ім — святы Ян Боско ў атачэнні шматлікіх дзяцей і моладзі. Гэты абраз быў замоўлены адным са святароў ракаўскай парафіі — кс. Янам Такарскім SDB, верным духоўным сынам св. Яна Боско.
2 снежня ў араторыі імя св. Дамініка Савіо пры парафіі Марыі Успамогі Хрысціянаў у Бараўлянах адбылося свята св. Мікалая для дзяцей.
Памятайце, што ўшанаванне нядзельных свят прыносіць Божае благаслаўленне на ўсе справы тыдня.
