Паказаць змесціва па тэгу: Навіны 2016 Салезіянскай Сям'і Беларусі

Сустрэча на тэму паклікання «ProVocatio» для хлопцаў узростам ад пятнаццаці гадоў адбылася 20-21 лютага ў салезіянскім араторыі імя св. Яна Боско ў Мінску. Гэта другая сустрэча з чатырох запланаваных на бягучы навучальны год. Маладыя людзі працягвалі разважаць на важныя для мужчыны і святара тэмы: «Пяць сакрэтаў сапраўднага мужчыны», «Сям’я, як асяроддзе, у якім мы расцём», «Адрозненні паміж дыяцэзіальным святаром і манахам», «LECTIO DIVINА». Яны разам маліліся — св. Імша была неад’емнай часткай кожнага дня, разам гулялі, разам разважалі над сваёй будучыняй.

21 лютага ў араторыі  імя св. Яна Боска у г .Смаргонь адбылося свята ўсіх хлопчыкаў і мужчын. Яго ладзілі салезіяне супрацоўнікі, кандыдаты ў аніматары, памочнікі аніматараў пры дапамозе сястры Вялянціны Кот FMA  і кс. Паўла Шчарбіцкага SDB.  Больш за 80 удзельнікаў сабралася ў араторыі на гэта мерапрыемства. Свята мела і выхаваўчую мэту: удзельнікі мелі магчымасць паразважаць над якасцямі і ўменнямі сапраўднага мужчыны, абаронцы Бацькаўшчыны.

19-20 лютага ў араторыi iмя св. Яна Боско ў Мiнску (Серабранка) у другi раз прайшлi рэкалекцыi «Разважанні аб добрай смерці» (РДС) для суполкi «Адкрытыя сэрцы», якая дзейнічае пры араторыі. Да суполкі ў асноўным належаць бацькі дзяцей, якія прыходзяць у араторый.

 Хрысціянін у кожны момант свайго жыцця павінен быць падрыхтаваны да дзвюх рэчаў: Эўхарыстыі і смерці. «А ты гатовы памерці?» — над гэтым пытаннем і не толькі разважалі ўдзельнікі рэкалекцый «Разважанні аб добрай смерці» (РДС), якія адбыліся ў салезіянскім араторыі імя св. Яна Боско ў Мінску (Серабранка) з 13 па 14 лютага.

7 лютага 2016 года ў салезіанскую парафію Маці Божай Успамогі Хрысціянаў і ў Араторый св. Дамініка Савіо ў а/г Бараўляны завітаў музычны гурт "Боско-бэнд".

У смаргонскім араторыі імя cв. Яна Боско адбыўся карнавал для моладзі і дзяцей. Моладзь святкавала ў суботу вечарам.  Як заўсёды, свята распачалося св. Імшой а 18 гадзіне.