Чацвер, 11 Красавік 2019 23:27

DON BOSCO YOUTH FEST

Аўтар

Салезіяне запрашаюць юнакоў і дзяўчат з 16 да 35 год да ўдзелу ў DON BOSCO YOUTH FEST (#Bosco_Fest ). #Bosco_Fest - гэта сустрэча маладых людзей у салезіянскім стыле, якая ўключае ў сябе малітву, адпачынак, майстар-класы, супольны час і шмат чаго іншага.

У гэтым годзе Don Bosco Youth Fest адбудзецца ў Смаргоні з 24 па 26 мая.

Сустрэча прапануе наступную праграму для моладзі:

24 мая ў 17.00 распачынаецца прыезд удзельнікаў #Bosco_Fest у Смаргонь, дзе яны сустракаюцца ў салезіянскім араторыі, атрымліваюць атрыбуты ўдзельнікаў, знаёмяцца, рыхтуюцца да ўдзелу ў святой Імшы. У 21.00 адбудзецца ўрачыстая Эўхарыстыя пад кіраўніцтвам біскупа Аляксандра Яшэўскага SDB з працэсіяй па вуліцах горада.

Начлег у гэты і наступныя дні запланаваны ў сем`ях парафіі св. Міхала Арханёла.

Другі дзень распачнецца са святой Імшы, а пасля адбудзецца праца ў “Сусветным кафэ”, у якiм будуць закранацца шматлікія праблемы сучаснага свету, асабліва моладзі. Гэта будуць і праблемы зносін памiж людзьмi, праблема вялікага ўплыву сацыяльных медыа на сучаснага чалавека, вельмі актуальнае і папулярнае зараз пытанне гендэру і стаўленне да яго Касцёла, пытанні ЛГБТ, пытанні сацыялізацыі дзяцей з асаблівасцямі.

На другую палову дня запланаваны выезды па групах, якія прапануюць магчымасці актыўнага, культурнага і пазнавальнага адпачынку.

Вечарам адбудзецца музычная праграма праслаўлення Пана.

Трэці дзень таксама распачнецца са святой Імшы. Пасля яе адбудуцца майстар-класы па тэмах, якія абмяркоўваліся ў “Сусветным кафэ”. Вядучымі майстар-класаў выступяць кваліфікаваныя спецыялiсты, якія маюць вялікі вопыт правядзення падобных мерапрыемстваў. Таксама ў гэты час запланавана магчымасць паўдзельнічаць у музычнай майстэрні “Грай Пану”, які будзе праводзіць гурт “Рыбы”.

Запрашаем моладзь да ўдзелу, прапануем вам добры настрой і карысна праведзены час.

Падрабязны расклад мерапрыемства можна спампаваць тут.

Кошт удзелу ў мерапрыемстве - 10 BYN.

Рэгістрацыя ўдзельнікаў адбываецца ў рэжыме рэальнага часу на сайце sdb.by, заяўкі прымаюцца да 13.05.2019.

Апошнія навіны

Думкі ксяндза Боско

Смерць – для некаторых, хто мае супакойнае сумленне з’яўляеццп суцехай,  мейсцам, якое вядзе да дасканаласці, шчасця, Для таго хто  мае на душы грэх, наадварот, з’яўляецца найвялікшай мукай, тэрорам, цярпеннем, роспаччу

Св. Ян Боско