Панядзелак, 22 Студзень 2018 12:03

У Бараўлянах прайшоў канцэрт гурта “Крылы”

Аўтар Уладзіслаў Зарэцкі ASC

21 студзеня ў Бараўлянах адбыўся калядны канцэрт гурта “Крылы”. “Крылы” – гэта моладзевы музычны гурт, які дзейнічае ў бараўлянскім араторыі імя св. Дамініка Савіо пры парафіі Марыі Успамогі Хрысціянаў.

Ідэя стварэння гурта нарадзілася год таму, на працягу гэтага часу моладзь збіралася ў араторыі, рыхтуючыся да свайго першага канцэрта. Добрая падрыхтоўка прынесла свае плёны - выступленне прайшло выдатна, гледачы з захапленнем слухалі калядныя спевы ў выкананні гурта і нават выклікалі артыстаў на біс.

Варта адзначыць, што, нягледзячы на сваю маладосць, “Крылы” ужо атрымалі сваю папулярнасць, паколькі назву гурта выбіралі карыстальнікі партала catholic.by.

Спадзяемся, што гэта быў толькі першы крок на доўгім і паспяховым канцэртным шляху і што “Крылы” яшчэ доўга будуць праслаўляць Бога сваёй творчасцю і радаваць нас сваімі талентамі.

Фотагалерэя

Апошнія навіны

Думкі ксяндза Боско

Патрэбна часам прыкрыць свае вочы і вушы на рэчы, які развесяляюць і задавальняюць цела. Яно павінна больш падпарадкавацца духу, каб магло лепш служыць на Хвалу Пана. Каб ніколі не сталася так, што цела пануе над душой.

Св. Ян Боско