Прыняцце аніматара і кандыдатаў адбылося пад час св. Імшы. У гэтым годзе сябе пажадалі ахвяраваць служенню дзецям і моладзі аніматар Вячыслаў Ванковіч і кандыдаты ў аніматары Ангеліна Вільтоўская і Яна Козел.

Пасля св. Імшы вернікі накіраваліся ў араторый св. Дамініка Савіо, дзе іх чакала святочная праграма, падрыхтаваная новымі аніматарам і кандыдатамі.

На заканчэнне праграмы прысутных чакаў салодкі стол і традыцыйнае слоўка на добрую ноч, якое прамовіў кс. Станіслаў Краўчанка SDB.