Аўторак, 29 Верасень 2020 18:08

Адкрыццё салезіянскага араторыя імя св. Яна Боско прайшло ў Мінску

Аўтар Аніматар Дар’я Купцова
Адкрыццё салезіянскага араторыя імя св. Яна Боско прайшло ў Мінску Фота: Вольга Перадкова

26 верасня 2020 года адбылося юбілейнае, дваццатае, адкрыццё салезіянскага араторыя імя св. Яна Боско ў Мінску. На свята прыехалі госці з салезіянскіх парафій Смаргоні і Бараўлянаў, а таксама з іншых мінскіх парафій.

Тэматыка адкрыцця была прысвечана 40-му артыкулу Канстытуцыі салезіянаў, дзе гаворыцца, што араторый – гэта дом, парафія, школа і падворак. Таксама арганізатары свята хацелі адзначыць, што важна пераносіць салезіянскую любоў і добры прыклад узаемаадносін у свае ўласны сем’і, дзе кожны з нас узрастае і развіваецца.

Падчас святочнага вечара кожны ўдзельнік змог спазнаць цеплыню і ўтульнасць гэтага гасціннага дома, на прыгожым падворку араторыя ўдзельнікі свята змаглі знайсці новыя знаёмствы.

Напрыканцы вечара кс. Алег Каралёў SDB скіраваў да ўсіх слоўка на добрую ноч. Ён адзначыў, што араторый - гэта не толькі будынак, гэта тое, што заўсёды застаецца ў сэрцы. Святар нагадаў, што кожны, хто пераступіў парог араторыя, назаўсёды застаецца пад апекай Марыі Успамогі Хрысціянаў.

Фотагалерэя

Думкі ксяндза Боско

Выкіньце з сэрца вашага грэх і прывязанасць да яго, і здабудзеце дастаткова мудрасці, каб збавіць сваю душу

Св. Ян Боско