Панядзелак, 01 Кастрычнік 2018 23:20

У Смаргоні адбылося адкрыццё моладзевага араторыя

Аўтар Аліна Арцюкевіч

29 верасня ў смаргонскай парафіі імя св. Міхала Арханёла адбылося ўрачыстае адкрыццё моладзевага араторыя імя св. Яна Боско на новы навучальны год. У арганізацыі вечара прымалі удзел як аніматары, так і звычайная моладзь, выхаванцы араторыя. Удзельнікамі з’яўляліся маладыя юнакі і дзяўчаты ад 7 класа і вышэй.

 

Вечар праходзіў у выглядзе шоу і меў назву “Перазагрузка”. Праз цікавыя конкурсы і гульні моладзі прапаноўвалася “перазагрузіць” свае вочы, слых, дотыкі і г.д. Гэта значыць нешта змяніць у сваім жыцці і асяроддзі. Напрыканцы гульнявой часткі праграмы камандам прапанавалася расшыфраваць абрывіятуру “СТДЦ” (гэтыя літары каманды атрымоўвалі за перамогу ў конкурсах). Пасля таго, як моладзь выказала розныя і вельмі цікавыя ідэі, вядучыя назвалі сапраўдную расшыфроўку: “Святасць таксама для цябе!”. Гэтыя словы з’яўляюцца дэвізам на новы навучальны год.

Праграма па традыцыі скончылася малітвай і слоўкам. Падчас слоўка с. Юлія Клявец FMA прапанавала моладзі “перазагрузіць” сваё сэрца. Асноўнай мэтай слоўка і ўвогуле вечара з’яўляласязаахвочванне маладых адкрыць сэрца, прыслухацца да таго, што яно хоча нам сказаць і паглядзець, што “ўнутры” яго. Таксама с. Юлія распавяла пра тое, што быць святым вельмі проста і цікава, трэба толькі не баяцца ісці да святасці.

І ўжо па традыцыі смаргонскага араторыя вечар скончыўся дыскатэкай.

Фота Влада Вяржынская

 

Фотагалерэя

Апошнія навіны

Думкі ксяндза Боско

Акрамя Езуса не маем лепшай апоры на гэтым свеце і, таксама, не маем лепшага суцяшэння, чым поўны давер Той, якая раздае нам Яго ласкі

Св. Ян Боско