Аўторак, 28 Жнівень 2018 14:16

У Смаргоні падзякавалі за служэнне с.Вераніцы Огар FMA і с.Дар’і Еўтухоўскай FMA

Аўтар Вераніка Рогач, салезіянка супрацоўніца

27 жніўня ў смаргонскай парафіі св.Міхала Арханёла падзякавалі за служэнне с.Вераніцы Огар FMA і с.Дар'і Еўтухоўскай FMA. Два гады сёстры служылі дзецям і моладзі ў араторыі, падчас катэхізацыі і дапамагалі ў парафіі.

 

На святой Імшы сабраліся парафіяне, дзеці і моладзь, каб скласці Богу падзяку за дар служэння сясцёр, а таксама маліцца аб далейшым благаслаўленні на шляху іх паклікання. Пасля сумеснай малітвы жадаючыя склалі сёстрам сваю падзяку і пажаданні. Усе прысутныя былі запрошаны ў араторый, дзе моладзь падрыхтавала невялічкія сюрпрызы і салодкі пачастунак. Аніматары ад імя моладзі выказвалі сёстрам добрыя словы і пажаданні. У сваю чаргу с. Дар'я і с. Вераніка пажадалі моладзі з адкрытым сэрцам прымаць тых, хто прыязджае служыць у Смаргонь - сясцёрі ксяндзоў, дапамагаць ім справай і малітвай.


Моладзь падарыла с.Дар'і і с.Вераніцы фотакалаж з самымі яркімі момантамі іх жыцця ў Смаргоні за два гады.


З развітальнымі словамі падзякі звярнуўся да сясцёр кс.Алег Жураўскі SDB. Прыпомніўшы ўсім словы св. Яна Боско "Нагамі хадзіце па зямлі, а сэрцам жывіце ў Небе", пробашч падарыў сёстрам незвычайныя парасоны з выявай аблок на небе. Сёстры выказалі падзяку прысутным за прыклад і сведчанне, дапамогу і адкрытасць, прасілі аб далейшай малітве за іх. Асабіста аніматарам сёстры пажадалі памятаць, што араторый - гэта іх дом, дзе яны павінны служыць адзін аднаму і іншым.


Далей моладзь запрасіла ўсіх прысутных на салодкі пачастунак.

 

Апошнія навіны

Думкі ксяндза Боско

Той, хто не чувае, рызыкуе, што не будзе збаўлены, таму што яму не хапае часу, або волі, альбо Божай ласкі.

Св. Ян Боско