Серада, 27 Снежань 2017 22:14

У Смаргоні завяршыўся групавы этап Кубка салезіянскага араторыя па мікрафутболе

Аўтар

У Смаргоні завяршыўся групавы этап Кубка салезіянскага араторыя па мікрафутболе, які праводзіцца вернікамі парафіі св. Міхала Арханёла. У спаборніцтвах, якія праходзяць у спартзале мясцовай сярэдняй школы №1,  прымае ўдзел 10 каманд. Матч складаецца з двух таймаў па 10 хвілін, спаборніцтвы праходзяць па кругавой сістэме ў кожнай з дзвюх груп.

Перад пачаткам гульняў і пасля заканчэння апошняй гульні праходзіла сумесная малітва і слоўка на добрую ноч, якое прамаўляў да прысутных кл. Марк Найдзіч SDB. 

У групе “А” першае месца заняла каманда “Старычкі”, другое месца ў цяжкай барацьбе заняла каманда “Куньлуньчыкі”, далей размясціліся каманды “Юністар”, “Каласы” і “Power Rangers”. У групе “В” упэўненую перамогу атрымала каманда “FCS” (дарэчы, менавіта гэтай камандзе аддаюць першае месца па выніках спаборніцтв усе аматары футбола, якія ўдзельнічалі ў конкурсе прагнозаў), другое месца ў каманды “Bosco”,  з трэцяга па пятае месцы адпаведна занялі каманды “Мядзведзі”, “Ignis Domini” і “Фаварыт”.

Гонку бамбардзіраў КСА ўзначальваюць Руслан Іванчук і Мікіта Савіцкі  з каманды “FCS” (абодва маюць па 10 галоў) і Уладзіслаў Яцкевіч з каманды “Юністар”, які, дарэчы, па прафесіі з’яўляецца гульцом асноўнага склада ФК “Смаргонь”. Уладзіслаў мае ў актыве 9 галоў.

14 студзеня пачнецца раўнд плэйф-офф. Пары чвэрцьфіналістаў выглядаюць наступным чынам: “Старычкі” – “Ignis Domini”, “Юністар” – “Вosco”, “Куньлуньчыкі” – “Мядзведзі”, “Каласы” – “FCS”. 21 студзеня адбудзецца гульня за 9 месца паміж камандамі “Power Rangers” і “Фаварыт”, гульні за 7 і 5 месцы, паўфіналы, гульня за 3 месца і фінал.

Жадаем поспехаў усім удзельнікам каманд!

Фотагалерэя

Думкі ксяндза Боско

Той, хто не чувае, рызыкуе, што не будзе збаўлены, таму што яму не хапае часу, або волі, альбо Божай ласкі.

Св. Ян Боско