Панядзелак, 11 Снежань 2017 17:08

Адкрыты кубак салезіянскага араторыя па мікрафутболе ў Смаргоні

Аўтар

Упершыню ў Смаргоні пройдзе адкрыты кубак салезіянскага араторыя па мікрафутболе, дэвізам якога абраны наступныя словы: “Нагамі гуляйце ў футбол, а сэрцам жывіце ў небе”. У спаборніцтвах возьмуць удзел 10 каманд, у складзе якіх ёсць клерык, салезіяне супрацоўнікі, салезіянская моладзь, школьнікі горада, студэнты каледжаў і ВНУ.

Удзел прыме каманда парафіі в. Войстам (Смаргонскі раён), а таксама 6 каманд, у склад якіх уваходзяць выхаванцы, выпускнікі і трэнеры мясцовай дзіцяча-юнацкай спартыўнай школы па футболе.

Спаборніцтвы пройдуць у два этапа: 1) групавы этап (снежань 2017 года), у якім усе ўдзельнікі згуляюць па кругавой сістэме ў групе “А” і групе “Б”, 2) этап плэй-офф (студзень 2018 года), у якім адбудуцца чвэрцьфіналы, гульня за 9-10 месцы, суцяшальны турнір за 5-8 месцы, паўфіналы, гульня за 3 месца і фінал.

Усе гульні пройдуць у спартыўнай зале ДУА “Сярэдняя школа №1 г. Смаргоні” толькі па нядзелях (10, 17 снежня 2017 года; 14, 21 студзеня 2018 года).

Па выніках лёсавання каманды падзелены на дзве групы:

«А» - Power Rangers, Куньлуньчыкі, Каласы, Юністар, Старычкі;

«Б» - Ignis Domini, Мядзведзі, Фаварыт, FCS, Bosco.

Таксама па выніках спаборніцтваў будзе вызначаны лепшы ігрок, лепшы бамбардзір і лепшы брамнік. Але і гэта не усе – для аматараў футбола і усіх удзельнікаў турніра арганізатарамі падрыхтаваны конкурсы, і кожны перамажца атрымае свой прыз на агульным падвядзенні вынікаў і узнагароджванні 27 студзеня 2018 года ў Араторыі падчас свята святога Яна Боско.

Жадаем удзельнікам выдатных вынікаў, задавальнення ад удзелу ў спаборніцтвах. І няхай пераможа мацнейшы!

Сацыце за намі: https://vk.com/football_kca

Апошнія навіны

Думкі ксяндза Боско

Калі мы хочам, каб нашы духоўныя і матэрыяльныя інтарэсы былі ў парадку, мы павінны найперш клапаціцца пра тое, каб у парадку былі Божыя інтарэсы. Паклапоцімся пра духоўнае і маральнае дабро нашага бліжняга праз міласэрныя ўчынкі

Св. Ян Боско