18 лістапада ў араторыі імя св. Яна Боско пры парафіі св. Міхала Арханёла ў Смаргоні адбыўся канцэрт у гонар святой Цэцыліі – апякункі касцёльнай музыкі.

“Цэцыліяда-2017” праходзіла пад назвай “Усклікаюць нябёсы”. Свята распачаў пробашч парафіі кс. Алег Жураўскі SDB, які асвяціў новую сцэну і паблагаславіў усіх прысутных.

“Чалавек вялiкi не дзякуючы таму, чым ён валодае, а дзякуючы таму, кiм ён з'яўляецца, не дзякуючы таму, што ён мае, а дзякуючы таму, чым ён дзелiцца з iншымi”,- такімі словамі св. Яна Паўла ІІ распачалося супольнае праслаўленне Пана Бога.

Музыкальныя нумары былі вельмі разнастайныя. Гледачы мелі магчымасць паслухаць выступленне дзіцячага хору парафіі “Вясёлыя ноткі”, сольныя спевы юных артыстаў, якія з радасцю дзяліліся сваімі талентамі.

Добрым знакам стала тое, што амаль усе галінкі смаргонскай салезіанскай сям’і падрыхтавалі музычныя нумары: “Савіо-клуб”, аніматары, члены Асацыяцыі Марыі Ўспамогі.

Кожны веруючы чалавек павінен без сораму вызнаваць сваю веру і вельмі прыемна, калі так паводзяць сябе маладыя людзі. Міністранты парафіі выступілі з песняй “Я шчаслівы міністрант”, парафіяльная моладзевая група Piligrims парадавала гледачоў уласнымі кампазіцыямі. Таксама свой танцавальны нумар прадставілі старэйшыя парафіянкі.

Ужо стала прыгожай традыцыяй, што на прыканцы свята усе ўдзельнікі разам заспявалі гімн араторыя. На заканчэнне кс. Алег Жураўскі SDB раздаў памяткі удзельнікам і па добрай салезіанскай традыцыі прамовіў да ўсіх слоўка на добрую ноч. “ Усклікаюць нябёсы, святыя радуюцца ў небе, назіраючы за намі. А св. Ян Боско звяртаецца да нас: “Любіце адзін аднаго па-братэрску. Усім чыніце дабро, нікому не рабіце зла... я ўсіх вас чакаю ў раі”, - сказаў святар.a

Знайшлі памылку? Вылучыце яе і націсніце «Ctrl + Enter»

Фотагалерэя

Тэгі

Пра нас

Кіраўніцтва Рэлігійнай Каталіцкай Місіяй “Таварыства св. Фрацішка Сальскага”

Рэгіянальны Настаяцель Місіі:
кс. Віктар Гайдукевіч SDB

Вікарый і эканом Місіі:
кс. Алег Жураўскі SDB

Радныя:

Каляндар

снежань 2017
Нд Пн Вт Ср Чц Пт Сб
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31

Выбраныя запісы

  • Новая салезіянская суполка для сем’яў “ADMA Сям’я” пачала сваю дзейнасць у Беларусі
    Першая сустрэча новай для Беларусі салезіянскай суполкі для сем’яў
  • “Сабраты ў фармацыі”: Міхал Радзевіч SDB
    Каманда SDB.by/news запускае праект “Сабраты ў фармацыі”. Праект накіраваны
  • Салезіянскі святар Тытус Зэман абвешчаны бласлаўлёным
    30 верасня 2017 у Браціславе ксёндз салезіянін Тытус Зэман
Угору