Серада, 04 Кастрычнік 2017 23:54

Арцыбіскуп Францішак Ланкэр з Аўстрыі наведаў Бараўляны

Аўтар Аліна Тамашевіч

1 кастрычніка некаторыя ўдзельнікі пленарнага пасяджэння Рады Канферэнцыі Біскупаў Еўропы, якое адбывалася ў Мінску 28–30 верасня, памаліліся ў беларускіх святынях.

Кожны ўдзельнік меў магчымасць адправіць святую Імшу ў мясцовых парафіях.

Бараўлянскую Парафію Марыі Успамогі Хрысціянаў наведаў арцыбіскуп Зальцбурга Францішк Лакнэр - старшыня Канферэнцыі Біскупаў Аўстрыі. Іерарх узначальваў нядзельную святую Імшу ў 9.30.

У гаміліі арцыбіскуп распавёў сведчанне свайго жыцця: пра тое, якія ў яго былі адносіны з Богам у дзяцінстве, у маладосці і ў апошнія гады і натхніў прысутных такімі словамі: “Дайце Богу хаця б адзін шанец у вашым жыцці. Я даў Яму такі шанец. І вы бачыце, што з гэтага атрымалася!” Іерарх таксама звярнуў увагу на постаці двух сыноў з Евангелля паводле Мацвея: “Як часта мы ў адносінах да Бога паводзім сябе як сын, які кажа: “Так Ойча!”. Але потым нічога не робім. Трэба засяродзіцца над тым, што нашы вусны прамаўляюць падчас малітвы і над тым, што мы робім пасля”.

На заканчэнне адбылася працэсія вакол капліцы і бласлаўленне Найсвяцейшым Сакрамантам.

Фотагалерэя

Апошнія навіны

Думкі ксяндза Боско

Усе мы павінны прымаць удзел з Езусам у Яго крыжы, а нашым крыжам з’яўляецца цярпенне

Св. Ян Боско