Жыццёвым перавагам была прысвечана сустрэча бацькоў і дзяцей, якая адбылася 28 сакавіка ў дзятлаўскім араторыі імя блаславёных мучанікаў з Познані, заснаванага пры парафіі Унебаўзяцця Найсвяцейшай Панны Марыі.

У кожнага чалавека свой погляд на жыццёвыя каштоўнасці. У кагосьці гэта матэрыяльная карысць, а ўсё астатняе другасна. А ў некага на першым месцы любоў, сяброўства, дзеці, сям’я, дапамога бліжнім. Зыходзячы з прыярытэтаў, чалавек будуе ўсё сваё жыццё, свае адносіны з навакольным асяроддзем. 

Вялікі Пост – гэта той час, які дазваляе паглядзець у глыбіню самога сябе, прааналізаваць, а можа нават і змяніць іерархію каштоўнасцей у сваім жыцці. Менавіта жыццёвым перавагам была прысвечана гэтая сустрэча.

Цікавае знаёмства на самым пачатку, якое выклікала ўсмешкі на тварах прысутных,  дазволіла стварыць спрыяльную атмасферу і настроіцца на пазітыўны лад. Працягам стала разважанне над пытаннямі: “Што такое каштоўнасці? Што для Вас з’яўляецца жыццёвымі каштоўнасцямі?”. Для стварэння ўмоў разумення таго, што за любым учынкам стаяць тыя каштоўнасці, якія кожны з нас вызнае, былі прапанаваны практыкаванні “Бязлюдны востраў”, “Каштоўнасці”, “Цана і каштоўнасці”. Дзеці і дарослыя разважалі, выказвалі свае пачуцці, у першую чаргу, адносна духоўных каштоўнасцей, іх ролі ў жыцці кожнага чалавека.  

Час праляцеў хутка… Але хочацца спадзявацца, што кожны змог для сябе адказаць на пытанне “У чым заключаецца самая галоўная каштоўнасць у маім жыцці?”

Знайшлі памылку? Вылучыце яе і націсніце «Ctrl + Enter»

Пра нас

Кіраўніцтва Рэлігійнай Каталіцкай Місіяй “Таварыства св. Фрацішка Сальскага”

Рэгіянальны Настаяцель Місіі:
кс. Віктар Гайдукевіч SDB

Вікарый і эканом Місіі:
кс. Алег Жураўскі SDB

Радныя:

Каляндар

лістападзе 2017
Нд Пн Вт Ср Чц Пт Сб
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30

Выбраныя запісы

  • Салезіянскі святар Тытус Зэман абвешчаны бласлаўлёным
    30 верасня 2017 у Браціславе ксёндз салезіянін Тытус Зэман
  • Генеральная Настаяцельніца Дачок Марыі Успамогі наведала Беларусь
    27 верасня 2017 года ўпершыню наведала Беларусь Генеральная Настаяцельніца
  • Дабрачынная акцыя ў падтрымку школьнікаў са шматдзетных сем’яў прайшла ў Мінску
    Таварыства святога Францішка Сальскага прыняло ўдзел у дабрачыннай акцыі,
Угору