8 студзеня ў араторыі імя святога Яна Боско пры салезіянскай парафіі св. Яна Хрысціцеля ў Мінску моладзь прадставіла калядны спектакль «Сон перад Калядамі». Галоўным рэжысёрам пастаноўкі з’яўляецца Анастасія Субач, салезіянскі аніматар.

Гэты спектакль распавёў невялікую гісторыю, якая адбылася напярэдадні аднаго з самых галоўных святаў у жыцці кожнага хрысціяніна — Божага Нараджэння. З дапамогай герояў – пабожнай дзяўчынкі і яе бабулі — гледачы ўбачылі невялікі «канфлікт пакаленняў». Большасць з сучаснай моладзі і дзяцей прыходзіць у касцёл альбо царкву, дзякуючы бабулям і дзядулям, якія перадалі ім веру як спадчыну, і спадзяюцца, што і яны перададуць гэту спадчыну сваім нашчадкам. Але, як гэта часта бывае, а асабліва ў XXI стагоддзі, вера ў Бога становіцца толькі традыцыяй святкавання Калядаў і Пасхі.

У спектаклі гледачы сутыкаюцца з адваротнай сітуацыяй, калі бабуля з’яўляецца той асобай, якая не лічыць абавязковым наведванне святыні, а Каляды — яшчэ адной магчымасцю «па-свецкі» пасядзець з сяброўкамі, альбо толькі казкай з дзяцінства. Менавіта таму дзяўчынка спрабуе раскрыць бабулі сэнс гэтага свята. Потым, па сюжэце спектакля, у сне да жанчыны прыходзіць Анёл Ахоўнік, разам з якім яна ўспамінае гісторыю Божага Нараджэння. Гэты Анёл дапамагае бабулі навярнуцца і наноў узбудзіць у сабе пачуццё Божага дзіцяці.

Сон скончыўся, але заставіў багаты сэнс і шмат думак для роздуму. Напрыканцы вечара кс. Павел Шчарбіцкі SDB, падкрэсліў галоўную думку спектакля, а менавіта словы бабулі: «Я — дзіця Божае!» Святар пажадаў кожнаму з прысутных не забывацца аб сваім паходжанні і прыналежнасці, не забывацца, што менавіта я і ты — мы — Божыя дзеці.

Знайшлі памылку? Вылучыце яе і націсніце «Ctrl + Enter»

Фотагалерэя

Пра нас

Кіраўніцтва Рэлігійнай Каталіцкай Місіяй “Таварыства св. Фрацішка Сальскага”

Рэгіянальны Настаяцель Місіі:
кс. Віктар Гайдукевіч SDB

Вікарый і эканом Місіі:
кс. Алег Жураўскі SDB

Радныя:

Каляндар

лістападзе 2017
Нд Пн Вт Ср Чц Пт Сб
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30

Выбраныя запісы

  • Салезіянскі святар Тытус Зэман абвешчаны бласлаўлёным
    30 верасня 2017 у Браціславе ксёндз салезіянін Тытус Зэман
  • Генеральная Настаяцельніца Дачок Марыі Успамогі наведала Беларусь
    27 верасня 2017 года ўпершыню наведала Беларусь Генеральная Настаяцельніца
  • Дабрачынная акцыя ў падтрымку школьнікаў са шматдзетных сем’яў прайшла ў Мінску
    Таварыства святога Францішка Сальскага прыняло ўдзел у дабрачыннай акцыі,
Угору