Субота, 24 Снежань 2016 21:28

Віншаванне рэгіянальнага настаяцеля Таварыства св. Ф. Сальскага кс. Віктара Гайдукевіча SDB на Божае нараджэнне 2016 г.

Аўтар

Дарагая салезіянская сям’я, сёння мы ў чарговы раз перажываем збавенную ўрачыстасць нараджэння нашага Пана Езуса Хрыста, і становімся на парозе новага 2017 года.

З вялікай радасцю і любоўю кірую да Вас свае святочныя віншаванні! Праходзіць час, змяняюцца пакаленні, але вялікая ўрачыстасць святой ночы, як і раней, застаецца крыніцай надзеі для мільёнаў людзей. Нованароджаны Езус у чарговы раз нагадвае нам пра невычэрпную любоў Нашага Творцы.

Няхай гэтыя светлыя дні напаўняюць нас любоўю, чыстымі думкамі і натхняюць на праведныя ўчынкі, азараюць верай і ўмацоўваюць духоўныя і маральныя асновы, а Езус адорвае нас сваёй моцай, бо толькі разам з Ім, мы здольныя ўчыніць немагчымыя рэчы.

Разважаючы на дэвізам Генеральнага Настаяцеля на будучы год будзем з энтузіязмам імкнуцца да таго, каб кожная наша сям’я, парафія, супольнасць станавіліся сапраўднай школай жыцця і любові.

Віншую, з надзеяй і натхненнем у новы 2017 год!
З належнай павагай і малітвай Кс. Віктар Гайдукевіч SDB
Рэгіянальны настаяцель

Думкі ксяндза Боско

Усе нашы здольнасці і намеры, уся наша праца і цярпенні, усе намаганні будуць мець сэнс толькі тады, калі мы будзем рабіць гэта на хвалу Бога

Св. Ян Боско