Серада, 16 Лістапад 2016 14:12

«Савіо-клуб» пачаў сваю дзейнасць у мінскім араторыі

Аўтар Салезіянка супрацоўніца Вольга Радзюш

13 лістапада ў мінскім араторыі св. Яна Боско распачаў сваю дзейнасць «Клуб Святога Дамiнiка Савiо» («Савiо-клуб»). Першымi ўдзельнiкамi «Савiо-клуба» сталi сем хлопцаў i пяць дзяўчат, якiя з дапамогай кiраўнiка «Савiо-клуба» ксяндза Iвана Огара SDB i анiматараў iмкнуцца дасягнуць святасцi па прыкладзе св. Дамiнiка Савiо.

Мэтай дзейнасці «Савiо-клуба» з'яўляецца чалавечая і духоўная фармацыя дзяцей, каб яны сталі «сумленнымі грамадзянамі, добрымі хрысціянамі і шчаслівымі жыхарамі неба». А гэта між іншым азначае навучыць іх быць добрымі сябрамі дома, у школе, на вуліцы, у араторыі; быць апосталамі радасці, якая выцякае з сакрамэнтальнага жыцця і выканання штодзённых абавязкаў; прывіць жаданне дасягнуць святасці па прыкладзе св. Дамініка Савіо і расказаць, што гэта магчыма; дапамагчы разабрацца ў пакліканні i падрыхтаваць будучых аніматараў.

Атуляем малiтвай адказных і ўдзельнiкаў «Савiо-клуба» на гэтай новай прыступцы iх жыццёвага шляху.

Апошнія навіны

Думкі ксяндза Боско

Май пакору ў кожным дзеянні, калі гэта павінна служыць збаўленню душаў.

Св. Ян Боско