Аўторак, 18 Кастрычнік 2016 16:02

У араторыі пры парафіі Св. Яна Хрысціцеля ў Мінску адзначылі Дзень Маці

Аўтар Дар’я Купцова

Свята прымеркаванае да Дня маці прайшло 16 кастрычніка ў мінскім араторыі імя св. Яна Боско.

Само свята распачалося св. Імшой а 10-й гадзіне, якую цэлебраваў кс. Павел Шчарбіцкі SDB. У гаміліі святар гаварыў пра тое, што ў сучасным свеце вельмі мала зносін у сям'і, усе сканцэнтраваны ў телефонах ,або ў камп’ютарах. Ён заклікаў  бацькоў да размовы з дзецьмі, якая вельмі патрэбна ў сям’і для добрага выхавання і будавання адносін.

Пасля св. Імшы дзеці разам з бацькамі накіраваліся ў араторый. Там іх чакаў Бураціна і яго сябры: Мальвіна, Артэмон, П’еро і чарапаха Тарціла. Бураціна вельмі хацеў прыйсці на свята для матуль. Дзеці згадзіліся яму дапамагчы,бо ён нават не ведаў, дзе знаходзіцца захад, усход, поўнач і поўдзень. На іх шляху сустракаліся і розныя перашкоды. Напрыклад, ліса Аліса і кот Базіліо, і нават Карабас Барабас. Праз розныя гульні, танцы і спевы Бураціна разам з дзецьмі і яго сябрамі прыйшлі на свята. Таксама ўсім прысутным быў паказы прыгожы відэаролік пра маці.

Пасля гэтага кс. Павел распавёў гісторыю, сюжэт якой падкрэсліваў каштоўнасць бацькоў і запрашаў усіх прысутных цаніць іх і дзякаваць ім. Агульны фотаздымак і салодкі стол былі завяршальнымі момантамі святкавання.

Фотагалерэя

Думкі ксяндза Боско

Пан Бог не глядзіць на род працы, Ён звяртае ўвагу на мэта таго, хто яе выконвае. Бо ўсе заняткі аднолькава высакародныя, таму што аднолькава выглядаюць у вачах Бога.

Св. Ян Боско