Аўторак, 20 Верасень 2016 09:39

Музычны гурт "Небасхіл" выступіў на свяце ў Ваўкавыску

Аўтар

18 верасня 2016 года гурт «Небасхіл» наведаў прыгожы горад Ваўкавыск, а менавіта Касцёл імя святога Станіслава Косткі. У гэты дзень у парафіі святога Станіслава Косткі адбыліся дзве значныя падзеі: парафіяльны фэст і сустрэча дзяцей і моладзі.

На свята былі запрошаны дзеці і моладзь з усіх парафій Ваўкавыску, а таксама з розных мястэчак Ваўкавыскага раёну.

Падчас спаткання моладзь прадставіла прэзентацыю пра жыццё святога Станіслава Костку. Гэты святы пражыў нядоўгае жыццё, але поўнае любові да Бога і да Маці Божай. Нягледзячы на свой малады ўзрост, адзначаўся вялікай святасцю і мудрасцю.
Пасля прэзентацыі гурт “Небасхіл” разам з дзеткамі, моладдзю і дарослымі праслаўлялі Бога спевам.

Падчас свята адбылася ўрачыстая Святая Імша і эўхарыстычная працэсія. Пасля для дзяцей і моладзі быў арганізаваны пікнік з пачастункамі, спевамі, танцамі і конкурсамі.

Гурт “Небасхіл” вельмі ўдзячны пробашчу парафіі ксяндзу Алегу за запрашэнне і за цёплы прыём. Было радасна перажываць разам з вернікамі гэты святочны дзень, маючы магчымасць праз спевы падараваць крышачку радасці.

Фотагалерэя

Думкі ксяндза Боско

Шчыра маліцеся праз заступніцтва Найсвяцейшай Панны Марыі і будзеце заўсёды радаснымі, вельмі радаснымі.

Св. Ян Боско