Серада, 23 Сакавік 2016 17:54

У смаргонскай парафіі св. Міхала Арханёла адбыліся вялікапосныя рэкалекцы і крыжовы шлях вуліцамі горада

Аўтар Таццяна Вішняк

17-19 сакавіка ў парафіі святога Міхала Арханёла ў Смаргоні адбыліся вялікапосныя рэкалекцы, якія праводзіў кс. Станіслаў Краўчанка SDB. 

Увечары другога дня духоўных разважанняў, нягледзячы на дрэннае надвор'е, вялікая колькасць вернікаў прайшлі Крыжовы шлях вуліцамі роднага горада. Ксёндз-рэкалекцыяніст прапанаваў паразважаць кожнаму ўдзельніку гэтай малітвы над праяўленнем Божай міласэрнасці ў сваім штодзённым жыцці, над людскімі грахамі і тым, што ім можа супрацьстаяць: учынкі міласэрнасці адносна цела і душы. Моцныя ўражанні напоўнілі сэрцы не толькі ўдзельнікаў, але і тых, хто выпадкова сустракаўся на шляху. Людзі спыняліся, і звычайная цікавасць спантанна змянялася глыбокім роздумам. Да духоўных разважаняў і цярпенняў далучаліся і фізічныя. Бо  ўсе вернікі з парафіі мелі магчымасць па чарзе несці крыж: моладзь, дзеці, жанчыны, мужчыны, духавенства і іншыя.

Напрыканцы крыжовага шляху ўсіх напаўняла ўпэўненасць, што гэты шлях не заканчваецца на крыжы, але ідзе далей, да вялікай радасці Божага Валадарства.

Фотагалерэя

Апошнія навіны

Думкі ксяндза Боско

Трэба пакахаць крыж, які Езус паклаў нам на плечы.

Св. Ян Боско