Субота, 26 Верасень 2015 23:17

У Мінску адбылося адкрыццё моладзевага араторыя

Аўтар Уладзіслаў Зарэцкі ASC
26 верасня адбылося адкрыццё мінскага араторыя імя Святога Яна Боско. Распачалося свята а 15.00  для юнакоў з 6 га па 9 клас і завяршылася а 17.00 святой Імшой. Адначасова святая Імша стала пачаткам свята для моладзі, якая крыху старэй!
Падчас Імшы Ксёндз Павел Шчарбіцкі SDB звярнуў увагу прысутных на неабходнасць давярацца Богу, распачынаючы новыя крокі ў сваім жыцці. 
 
Удзел у свяце прыняло каля 30 чалавек. Арганізатары, натхнёныя дэвізам салезіянскай сям’і на распачаўшыся год - “Разам з Езусам перажывем авантуру Духа Святога”, - запрапанавалі ўдзельнікам адправіцца ў імправізаваны турыстычны шлях. Прыпынкамі на гэтым шляху былі вясёлыя гульні і запальныя танцы. На працягу ўсяго шляху ўдзельнікі праяўлялі камандны дух, кемлівасць і спрытнасць. 
 
Для салезіянскай сям’і вельмі важным момантам з’яўляецца слоўка на дабранач. Не стаў выключэннем і дадзены вечар. Ксёндз Павел распавёў прысутным цікавую  гісторыю, у якой яшчэ раз звярнуў увагу на неабходнасць даверу да Бога. Завяршаючым момантам стала дыскатэка і салодкі стол.
 
Такім чынам мінскі араторый можна лічыць афіцыйна адчыненым. Таму шчыра ўсіх запрашаем, араторый працуе з чацверга па нядзелю з 18.00 да 21.00, а кожную пятніцу ў 20.00 ёсць магчымасць памаліцца на святым ружанцы.  Жадаем усім добрага настрою і Божага Благаслаўлення.

 

Апошнія навіны

Думкі ксяндза Боско

Людзям хворым, якім наканавана цярпець ад пакутаў цялесных, дастаткова паслухмяна спаўняць указанні лекара і апекуноў, а таксама перажываць уласныя цярпенні ў супакоі і ў духу любові да Бога.

Св. Ян Боско