Нядзеля, 22 Сакавік 2020 01:44

Паведамленне Рады Дэлегатуры для салезіянскіх супольнасцяў і араторыў

Аўтар

Вірус змяніў наш свет за вельмі кароткі час. Жыццё як быццам бы спыняецца альбо становіцца больш павольным. У розных краінах прымаюцца рашучыя меры, каб спыніць распаўсюджванне каронавіруса, у многіх сферах грамадскае жыццё становіцца іншым. Усё больш і больш мерапрыемстваў рознага характару адмяняецца, усё часцей і ў нашай краіне вядзецца дыскусія, як каронавірус паўплывае на працу і жыццё нашага грамадства.

У дадзеным кантэксце таксама і мы, адчуваючы адказнасць за здароўе дзяцей, моладзі, вернікаў, а асабліва старэйшага ўзросту, якія да нас прыходзяць, павінны адэкватна адрэагаваць на гэты выклік ва ўсіх нашых прысутнасцях: араторыях, моладзевых цэнтрах і парафіях.

Таму Рада Дэлегатуры пастанаўляе наступнае:

З ПАНЯДЗЕЛКА 23.03.2020г. ДЗЕЙНАСЦЬ САЛЕЗІЯНСКІХ АРАТОРЫЯЎ БУДЗЕ ЧАСОВА СПЫНЕНА. 
АДМЯНІЦЬ вясеннія канікулы для дзяцей у нашых араторыях
(30.03 – 04.04.2020 г.).
АДМЯНІЦЬ запланаванае ў Мінску на 28.03.2020 спартыўнае мерапрыемства для дзяцей з нашых араторыяў “АРАТАРЫЯДА”, якое неабходна перанесці на іншую дату.
АДМЯНІЦЬ запланаваны на 15.05 – 17.05.2020 г. у Мінску
DON BOSCO YOUTH FEST.
АДМЯНІЦЬ запланаваныя масавыя мерапрыемствы ў араторыях.
ДАПАСАВАЦЬ функцыянаванне салезіянскіх прысутнасцяў (дом, араторый, парафія) да гігіенічных патрабаванняў, выданых дзяржаўнымі ўстановамі
ПРАДУМАЦЬ форму дальнейшай дзейнасці араторыяў і моладзевых цэнтраў пры дапамозе сродкаў масавай інфармацыі.

ДАДЗЕНАЯ РАСПАРАДЖЭННЕ ДЗЕЙНІЧАЕ ДА ЯГО АДМЕНЫ!

Апошнія навіны

Думкі ксяндза Боско

Усе тыя, хто спаўняе пэўныя заданні, калі хоча, каб іх слухалі і шанавалі, няхай тое ж чыніць перад сваім кіраўніцтвам.

Св. Ян Боско