Панядзелак, 10 Люты 2020 22:39

У Смаргоні прайшла аратарыяда

Аўтар Марта Адахоўская, аніматар

8 лютага ў салезіянскім араторыі імя святога Яна Боско ў Смаргоні, які дзейнічае пры мясцовай парафіі Святога Міхала Арханёла, адбылася аратарыяда - спартыўнае і інтэлектуальнае спаборніцтва для дзяцей і падлеткаў.

 Мерапрыемства пачалося з уступнага слова кс. Артура Ляшнеўскага SDB і вясёлага банса арганізатараў разам з дзецьмі. Далей удзельнікі мелі магчымасць праверыць свае сілы ў спартыўных і інтэлектуальных гульнях: настольным футболе, настольным тэнісе, шашках, дартсе, суперкубіку, інтэлектуальным конкурсе, спартакіядзе.

Напрыканцы ўсіх чакаў супольны пачастунак і ўзнагароджанне пераможцаў. Удзельнікі, якія занялі прызавыя месцы, прадставяць смаргонскі араторый на аратарыядзе ў Мінску.

Фотагалерэя

Апошнія навіны

Думкі ксяндза Боско

Бог Айцец ведае, чаго мы патрабуем, ведае яшчэ да таго, як папросім Яго. Варта прасіць, каб атрымаць больш, і не абавязкова для сябе.

Св. Ян Боско