Субота, 11 Студзень 2020 18:45

Чарговая сустрэча групы "Пошук: Leader" прайшла ў Мінску

Аўтар Паліна Сакалова

З 8 па 9 студзеня ў мінскім араторыі імя св. Яна Боско, які дзейнічае пры парафіі св. Яна Хрысціцеля, адбылася чарговая сустрэча групы "Пошук: Leader" для падлеткаў, якія навучаюцца ў 8-9 класах.

У сустрэчы, падчас якой разглядалі тэму "Эмоцыі і пачуцці", прымалі ўдзел юнакі і дзяўчаты з Мінска, Бараўлянаў і Смаргоні. Разам з кс. Артурам Ляшнеўскім SDB, с. Юліяй Клевец FMA і c. Дар'яй Еўтухоўскай FMA падлеткі разважалі пра эмоцыі і пачуцці, з якімі сутыкаюцца кожны дзень.


Спецыяльнай госцяй сустрэчы стала с. Вікторыя Чэкан. Сястра Вікторыя правяла канферэнцыю, мэтай якой было дапамагчы падлеткам навучыцца называць эмоцыі сваімі імёнамі і размяркоўваць іх па розных катэгорыях, а таксама ўмець з імі спраўляцца.


Падчас сустрэчы ўдзельнікаў таксама чакалі праца па групах, калі была магчымасць паразважаць пра свае страхі і шляхі іх пераадолення, малітоўнае разважанне, вясёлыя гульні і многае іншае.


У канцы сустрэчы падлеткі падводзілі вынікі, і кожны, пакінуўшы пасля яе для сябе нешта важнае, цвёрда вырашыў змагацца са сваім страхам і вучыцца валодаць сабой, каб далей рухаць да сваёй мэты.

Фотагалерэя

Апошнія навіны

Думкі ксяндза Боско

Калі хочаш быць шчаслівым, трэба заслужыць гэта. Трэба мець добрае сэрца, якое будзе кахаць сяброў, якое будзе цярплівым і для непрыяцеляў, якое будзе плакаць з тымі, хто плача, якое не зайздросць шчасцю іншых і ўсім робіць дабро

Св. Ян Боско