Панядзелак, 02 Снежань 2019 14:34

У Бараўлянах два новых аніматара

Аўтар Святлана Радцэвіч

1 снежня ў парафіі Маці Божай Успамогі Хрысціянаў у Бараўлянах адбылося пасвячэнне новых кандыдатаў у аніматары і аніматараў.

Падчас святой Імшы, якую цэлебраваў пробашч парафіі кс. Казімір Шыдэлко SDB, двое маладых людзей далучыліся да каманды аніматараў, а чацвёра маладых людзей склалі перад алтаром свае абяцанні ў якасці кандыдатаў у аніматары. Маладыя людзі рыхтаваліся на працягу пэўнага часу, мелі фармацыю, удзельнічалі ў розных салезіянскіх мерапрыемствах, асабліва дапамагалі ў дзіцячым араторыі. Таксама адбылося аднаўленне аніматарскіх абяцанняў.

Кс. Казімір ад імя ўсіх прысутных павіншаваў маладых людзей з такім прыгожым і адказным крокам у іх жыцці і пажадаў, каб словы абянняў, якія яны склалі, былі для іх падтрымкай у аніматарскім служэнні, а Марыя Успамога Хрысціянаў заўсёды апекавалася кожным з іх.

Пасля супольнай малiтвы дзеці разам з новымі кандыдатамі і аніматарамі сустрэліся ў араторыі, каб весела правесці разам час.

Апошнія навіны

Думкі ксяндза Боско

Пан Бог не глядзіць на род працы, Ён звяртае ўвагу на мэта таго, хто яе выконвае. Бо ўсе заняткі аднолькава высакародныя, таму што аднолькава выглядаюць у вачах Бога.

Св. Ян Боско