Аўторак, 19 Лістапад 2019 05:04

У Смаргоні адзначылі свята пад назвай “Кавалак хлеба = кавалак неба”

Аўтар Вольга Броўка, кандыдат у аніматары

17 лістапада ў смаргонскім араторыі імя св. Яна Боско, якi дзейнiчае пры парафii св. Мiхала Арханёла, адбылося свята для дзяцей пад назвай “Кавалак хлеба = кавалак неба”, прысвечанае дню ўбогіх.

Распачалася святочная праграма св. Імшой, пасля якой маленькія вернікі накіраваліся ў араторый, дзе аніматарамі разам з с. Юліяй Клявец FMA і кс. Артурам Ляшнеўскім SDB быў падрыхтаваны працяг свята.

Падчас забаўляльнай праграмы і сустрэчы з героямі казкі “Калабок” дзеткі і іх бацькі з дапамогай разнастайных конкурсаў разважалі над тым, што кожны з нас можа зарабіць на неба, дзелячыся з іншым кавалачкам сябе.

Фотагалерэя

Думкі ксяндза Боско

Хто прыступае да святой Камуніі з сэрцам, зняволеным задавальненнямі, і не падае з дзіцячым даверам у рукі Езуса, той не прынясе плёну, які, як мы ведаем з тэалогіі, з’яўляецца дарам святой Камуніі

Св. Ян Боско