Серада, 30 Кастрычнік 2019 12:30

Сустрэча салезіянаў супрацоўнікаў Беларусі прайшла ў Гудагаi

Аўтар

26-27 кастрычніка у вёсцы Гудагай Гродзенскай вобласцi адбылася пятая сустрэча салезіянаў супрацоўнікаў Беларусі, якая сабрала ўдзельнікаў з Мінска, Смаргоні і Бараўлянаў.

Пад духоўным кіраўніцтвам ксяндза дэлегата Вікатара Гайдукевіча SDB і ксяндза Артура Ляшнеўскага SDB сабраныя дзяліліся словам, разважаннем i радасцю адзін з адным.

Праграма сустрэчы была падрыхтавана такім чынам, каб супрацоўнікі маглі адпачыць пасля напружанага працоўнага тыдня і радзяліць супольны час з радасцю ў цікавых гульнях і заданнях. Аднак у вёсцы Гудагай знаходзiцца санктуарый Маці Божай Шкаплернай, што заклікала да яднання таксама і ў малітве. Падчас ружанца па ваколіцах касцёла, адарацыі Найсвяцейшага Сакрамэнта, а таксама Святой Імшы ўдзельнікі сустрэчы маглі падсілкавацца духоўна.

Салезіяне супрацоўнікі складаюць падзяку духоўным кіраўнікам за праведзены час, малітоўную падтрымку і асабліва за адкрытыя сэрцы, а таксама арганізатарам сустрэчы, якiя дапамаглi зрабiць яе насычанай i плённай.

Фотагалерэя

Апошнія навіны

Думкі ксяндза Боско

Да хваробаў душы трэба адносіцца так жа сур’ёзна, як да хваробаў цела.

Св. Ян Боско