Панядзелак, 12 Жнівень 2019 08:05

Чатыры сястры салезiянкi аднавiлi манаскiя абяцаннi ў Смаргонi

Аўтар

5 жніўня ў парафіi св. Міхала Арханёла ў Смаргоні маладыя сёстры салезіянкі аднавілі свае манаскія абяцанні. Сярод iх былi с. Юлія Клявец FMA і с. Дар’я Еўтухоўская FMA, якiя нясуць паслугу ў Беларусi, а таксама с. Наталля Іванова FMA і с. Хрысціна Кароль FMA, сёстры з Украіны.

Падчас святой Імшы, якую цэлебраваў пробашч парафіі кс. Алег Жураўскі SDB разам з кс. Артурам Ляшнеўскім SDB і кс. Паўлам Шчарбіцкім SDB, маладыя сёстры салезіянкі ў прысутнасці настаяцельніцы візітаторыі Усходняя Еўропа і Грузія сястры Габрыэлі Родэ FMA ўрачыста аднавілі сваё “так” Богу, прамоўленае некалькі гадоў таму.

Падчас казання кс. Алег Жураўскі SDB звярнуў сваю ўвагу на тое, што Пан Бог – сейбіт, які выходзіць сеяць і сёння, таму маладым людзям патрэбна адвага, каб вырасціць пасеянае зерне, не заглушаючы яго цернем.

Пасля святой Імшы і слоў віншавання ўсе прысутныя былі запрошаны на пачастунак.

Фотаздымкі Віялеты Вайтко

Фотагалерэя

Думкі ксяндза Боско

Акрамя Езуса не маем лепшай апоры на гэтым свеце і, таксама, не маем лепшага суцяшэння, чым поўны давер Той, якая раздае нам Яго ласкі

Св. Ян Боско