Да цудатворнага абраза прыбыло шмат людзей. Як і штогод, на свята прыйшлі пілігрымкі з розных куткоў Магілёўшчыны.

Святую Імшу ўзначаліў біскуп Казімір Велікаселец разам з біскупам Аляксандрам Яшэўскім SDB. Усе сабраныя дзякавалі за атрыманыя ласкі і прасілі аб адраджэнні святыні ў Бялынічах.

Падчас казання бікуп Казімір Вялікаселец заклікаў кожнага з прысутных прыпомніць мэту свайго жыцця, адкуль мы і куды крочым. Іерарх падкрэсліў, што адказы на ўсе пытанні нашага жыця ёсць у цудоўнай кнізе — у Бібліі. Самі мы нічога не зможам, Бог з намі, але і шатан не адступае. Малітва — гэта моцная зброя нашага жыцця, без малітвы і Эўхарыстыіі мы загінем, падкрэсліў  іерах. Таксама біскуп нагадаў не забывацца пра найлепшую Маці Марыю і прасіць у Яе дапамогі, а Яна заўсёды прывядзе да свайго Сына.

Цудоўнае свята, якое было напоўнена прыгожымі спевамі ў выкананні гурта "Небасхіл", скончылася біскупскім благаслаўленнем і ўрачыстай працэсіяй да могілак і асвячэннем крыжа.

Шчыра дзякуем біскупу Аляксандру Яшэўскаму SDB і ўсім святарам за запрашэнне на ўрычыстаць і магчымасць падзяліцца дарам спеву і музыкі з іншымі.