Чацвер, 24 Лістапад 2022 20:41

Чарговая сустрэча ў рамках адукацыйнага праекту для кансэкраваных асоб прайшла ў Ляскоўцы

Аўтар Уладзіслаў Зарэцкі ASC

21 лістапада ў цэнтры Caritas Мінска-Магілёўскай архідыяцэзіі ў Ляскоўцы, што пад Мінскам, адбылася чарговая сустрэча ў межах праекту, скіраванага на ўзмацненне асабістых кампетэнцый кансэкраваных асоб.

У межах дадзенай сустрэчы было праведзена два семінары. У якасці першага спікера для прысутных выступіла сястра Вікторыя Чэкан, магістр педагогікі і псіхалогіі, медыцынскі псіхолаг, нейрапсіхолаг, спецыяліст у галіне падрыхтоўкі адказных за фармацыю да святарскага і манаскага жыцця. Яна правяла чарговы семінар у рамках модуля "Асабістая кампетэнцыя", які быў прысвечаны асаблівасцям функцыянавання нэрвовай сістэмы, тыпам тэмпераментаў і стыляў асобы. У працэсе абмеркавання ўдзельнікі пазнаёміліся з характэрнымі рысамі кожнага з профіляў асобы, іх адрозненнем ад розных расстройстваў, атрымалі рэкамендацыі, як больш эфектыўна выбудоўваць узаемаадносіны ў суполцы, улічваючы індывідуальныя асаблівасці кожнага яе члена. Удзельнікі таксама атрымалі хатняе заданне, якое павінна дазволіць эфектыўна ацаніць магчымую дынаміку і асобасныя рэсурсы кожнай з каманд.

Другая палова дня заняткаў пачалася з дзелавой гульні "Я - Лідэр", якую правёў кандыдат навук Уладзімір Глушакоў. Удзельнікі вызначылі лідэра, праверылі яго ў вырашэнні актуальных задач кіравання камандай, разабралі памылкі ў кіраванні камандай. Гумар, адкрытасць, шчырасць і павага дапамаглі усім зразумець гэтую складаную тэму. Потым удзельнікі выявілі ключавыя якасці лідэра і пагадзіліся са спікерам у тым, што ў галоўным неабходна адзінства, у другарадным - воля, і ва ўсім - любоў.

Завяршыўся дзень супольнай Эўхарыстыяй для ўсіх жадаючых, якую ўзначаліў ксёндз Дзяніс Крываносаў.

Наступная сустрэча адбудзецца 19 снежня.

Фотагалерэя

Апошнія навіны

Думкі ксяндза Боско

Усе нашы здольнасці і намеры, уся наша праца і цярпенні, усе намаганні будуць мець сэнс толькі тады, калі мы будзем рабіць гэта на хвалу Бога

Св. Ян Боско