Чацвер, 24 Лістапад 2022 20:36

У Залессі адбыўся адпуст у гонар Маці Божай Вастрабрамскай

Аўтар

20 лістапада ў капліцы Маці Божай Вастрабрамскай, якая месціцца на тэрыторыі палаца-паркавага комплекса Агінскіх у Залессі, адбыўся традыцыйны адпуст у гонар Марыі, Маці Міласэрнасці. Галоўным цэлебрантам адпустовай Эўхарыстыі быў кс. дэкан Антоні Казлоўскі, пробашч парафіі св. Юды Тадэвуша ў Вішневе, гамілію прамовіў кс. Вадзім Сурвіла, пробашч парафій ў Войстаме і Данюшаве. Таксама на ўрачыстасці прысутнічалі салезіяне, якія нясуць сваё служэнне ў Залессі: кс. канонік Здзіслаў Вэдэр, кс. Міхаіл Радзевіч і пробашч парафіі кс. Артур Ляшнеўскі. Таксама на ўрачыстасці прысутнічалі сёстры салезіянкі.

Падчас гаміліі кс. Вадзім Сурвіла распавёў сабраным гісторыю ўзнікнення абраза ў Вострай Браме і яго сімволіку. Святар заклікаў вернікаў быць міласэрнымі як Марыя: прабачаць, любіць, несці супакой. Літургію св. Імшы ўпрыгожыў парафіяльны хор са Смаргоні.

На канец Эўхарыстыі пад гук звана і эўхарыстычных спеваў адбылася тэафарычная працэсія вакол капліцы роду Агінскіх. Пасля радаснага “Te Deum” і благаслаўлення вернікаў Залесся павіншавала са святам дырэктар музея палаца-паркавага комплекса Агінскіх.

Апошнія навіны

Думкі ксяндза Боско

Езус Хрыстус узышоў да неба і сказаў: “Я іду падрыхтаваць Вам царства”. Калі мы маем царства, прыгатаванае ў небе, павінны прымаць за марнасці рэчы гэтага свту. Гэта вялікае чуцяшэнне для нас,  што мы маем ужо прыгатаванае мейсца для нас.

Св. Ян Боско