Аўторак, 04 Кастрычнік 2022 09:55

У смаргонскім араторыі святочнай праграмай адзначылі распачацце новага навучальнага года

Аўтар

2 кастрычніка ў смаргонскім араторыі імя св. Яна Боско, якi дзейнiчае пры парафii Св. Мiхала Арханёла, адбылося свята, прысвечанае распачаццю новага навучальнага года. Свята прайшло пад назвай “Рабіце ўсё з любові і нічога праз сілу!”, што сугучна з дэвізам салезіянскай сям’і на бягучы год.

Свята распачалося св. Імшой, падчас якой ксёндз Міхаіл Радзевіч SDB заахвоціў вернікаў паглыбляць веру праз канкрэтныя крокі ў сваім жыцці. Таксама святар звярнуў увагу на тое, што служэнне – гэта адзін са спосабаў праяўлення любові да Бога і бліжніх.

Пасля св. Імшы ўдзельнікаў  у араторыі чакалі арганізатары свята. Пры ўваходзе ў араторый дзеці былі падзелены на каманды. Кожны адказны за каманду атрымаў карту з пэўным шляхам падарожжа. Падчас святочнай праграмы дзеці сустрэліся з адной сям’ёй, якая прапанавала ім пабываць на свяце і навучыцца крыху больш, з любоўю, дапамагаць, слухаць, будаваць, спяваць, вучыцца, гуляць.

 Цікава было ўбачыць, як дзеці з вялікім захапленнем удзельнічалі ў гульнях, слухалі вядучых, якія ім раскрывалі больш падрабязна як “Рабіць усё з любові”.

Падчас слоўка было падкрэслена, што не важна, колькі ты робіш, кім ты з’яўляешся, але важна, з якім намерам ты чыніш кожную справу.

Пасля слоўка прысутных чакаў  салодкі пачастунак.

Фотагалерэя

Апошнія навіны

Думкі ксяндза Боско

Выкінце з вашага сэрца грэх і сувязь  з ім. Будзеце ведаць дастаткова, каб збавіць свае душы

Св. Ян Боско