Аўторак, 04 Кастрычнік 2022 09:42

Адкрыццё “Савіо-клуба” на новы навучальны год адзначылі ў Смаргоні

Аўтар

23 верасня 2022 года ў смаргонскай парафіі Святога Міхала Арханёла адбылося ўрачыстае адкрыццё “Савіо-клуба”.

На свяце прысутнічалі дзеці разам з бацькамі, а таксама аніматары клуба, якія дапамагаюць удзельнікам узрастаць у святасці па прыкладу св. Дамініка Савіо.

На сустрэчы адбылося знаёмства з дзейнасцю суполкі, прагляд прэзентацыі з мінулага года і прадстаўленне аніматараў. Не абышлося без вясёлых танцаў і гульняў. Выпускнікі клуба падзяліліся сваімі ўражаннямі і вопытам трохгадовай фармацыі, а таксама далі малодшым параду не губляць час і цаніць кожны момант прабывання ў клубе.

У гэтым годзе “Савіо-клуб” папоўніўся 18-ццю ўдзельнікамі, навучэнцамі 5- 6-х класаў. Зараз клуб налічвае каля 50 дзяцей ва ўзросце ад 10 да 14 год.

Клуб у араторыі пры парафіі дзейнічае ўжо больш за 10 год. У ім дзеці разам з аніматарамі і салезіянамі супрацоўнікамі шукаюць уласны шлях да святасці праз сумесныя малітвы, духоўныя размовы, віктарыны, гульні, вандроўкі.

Падчас свята 8 хлопцаў і дзяўчат, якія скончылі трохгадовую фармацыю, атрымалі памятныя дыпломы і кубкі з эмблемай “Савіо-клуба”.

Напрыканцы сустрэчы с. Юлія Клевец FMA падзялілася з прысутнымі слоўкам на дабранач.

“Савіо-клуб” – гэта добрая магчымасць знайсці сапраўдных сяброў і паплечнікаў, разам з якімі лягчэй імкнуцца да дасягнення святасці.

Вясёлы вечар скончыўся святочным салодкім сталом.

Фотагалерэя

Апошнія навіны

Думкі ксяндза Боско

Той, хто не чувае, рызыкуе, што не будзе збаўлены, таму што яму не хапае часу, або волі, альбо Божай ласкі.

Св. Ян Боско