Аўторак, 10 Май 2022 20:06

Кандыдаты ў міністранты былі прыняты ў мінскай парафіі св. Яна Хрысціцеля

Аўтар

8 мая ў нядзелю Добрага Пастыра ў мінскай парафіі св. Яна Хрысціцеля адбыўся абрад прыняцця кандыдатаў у міністранты. Шэсць хлопцаў прайшлі гадавую падрыхтоўку, падчас якой усведамлялі, чым ёсць Касцёл, літургія і міністранцкае служэнне. Пасля таго як будучыя кандыдаты прайшлі ўсе этапы падрыхтоўкі, яны былі ўрачыста дапушчаны да службы пры алтары і цяпер могуць выконваць некаторыя літургічныя дзеянні.

Галоўным цэлебрантам урачыстай Эўхарыстыі быў кс. Артур Ляшнеўскі SDB, які праводзіў фармацыю хлопцаў, а сам абрад прыняцця ўзначаліў кс. Аляксандр Мятліцкі SDB, пробашч парафіі. Пасля малітвы благаслаўлення кандыдаты апранулі белыя стужкі – сімвал чысціні і святасці. З гэтага часу кандыдаты будуць насіць стужкі падчас літургіі да прыняцця іх у міністранты. Напрыканцы абрада прыняцця кандыдаты прачыталі свае абяцанні пазнаваць літургію і старацца быць бліжей Хрыста праз адпаведныя ўчынкі.

Пасля Эўхарыстыі хлопцы, а таксама іх бацькі і родныя працягнулі святкаванне на супольным пікніке, падчас якога прысутных чакалі гульні, смачная ежа і добры настрой. 

Фотагалерэя

Думкі ксяндза Боско

Калі хочам прасіць дапамогі нашага Добрага Бога Айца, павінны быць гатовыя ахвяраваць усё.

Св. Ян Боско