Падчас нядзельнай святой Імшы Ксенія Рыдзель і Юлія Броўка пасля двух год фармацыі зрабілі наступны крок на шляху аніматарства і склалі абяцанні кандыдатаў у аніматары.
Узначаліў святую Імшу пробашч парафіі кс. Павел Шчарбіцкі SDB. Падчас казання кс. Павел засяродзіў увагу на тым, як важна часам адыходзіць у "пустыню" са свайго штодзёнага жыцця, каб пачуць голас Пана, які прагне даць нам сапраўднае шчасце.
Працягам свята стаў сумесны час у араторыі, дзе для новых кандыдатаў былі падрыхтаваны заданні, а таксама падарункі.