Серада, 15 Верасень 2021 19:18

Памёр бацька Генеральнага гастаяцеля салезіянскага таварыства ксяндза Анхеля Фярнандэса Арцімэ

Аўтар

15 верасня пасля працяглай хваробы на 89 годзе жыцця адышоў у вечнасць Анхель Фярнандэс Фярнандэс, бацька Генеральнага настаяцеля салезіянскага таварыства ксяндза Анхеля Фярнандэса Арцімэ SDB.

Нарадзіўся Фярнандэс Фярнандэс 12 чэрвеня 1932 года ў мястэчку Луанко, Іспанія. 

Ксёндз Анхель быў вельмі прывязаны да бацькі і з цеплынёй успамінае некаторыя яго рысы: “Кожны дзень пры добрым надвор’і ён хадзіў паглядзець «сваё мора». Ён працаваў рыбаком з 13 да 78 гадоў”.

“Ён быў вельмі спакойным і разважлівым чалавекам, магчыма, гэтаму паспрыялі шматлікія гадзіны, праведзеныя ў адзіноце на моры. Быў простым, з добрым сэрцам і вельмі адданым сям’і, ніколі не шукаў для сябе нічога асаблівага, ён быў шчаслівы. Тата быў вельмі працавіты, я адчуваю сябе як вучань каля майстра, калі параўноўваю сябе з ім”, – дадаў ксёндз Анхель.

Кажучы пра духоўнае жыццё свайго бацькі, Генеральны настаяцель адзначыў: "Калі ён выйшаў на пенсію, то кожны дзень хадзіў на св. Імшу, на сустрэчу з Езусам, і штодзённа ахвяраваў грошы на дабрачыннасць”. 

Пахаванне адбудзецца 16 верасня ў парафіі Санта-Марыя-Луанко-Гозон. На набажэнства прыедзе шмат салезіянаў з розных правінцый Іспаніі.

Генеральны настаяцель выказвае глыбокую падзяку ўсім, хто аказвае малітоўную падтрымку яго сям’і ў гэты няпросты час.

Апошнія навіны

Думкі ксяндза Боско

Хто сее добрыя ўчынкі, той будзе збіраць добрыя плады...

Св. Ян Боско