Пятніца, 21 Снежань 2018 07:54

Абраны новы інспектар варшаўскай інспекторыі св. Станіслава Косткі

Аўтар

Генеральны Настаяцель салезіянаў кс. Анхель Фярнандэс Арцімэ разам з членамі генеральнай Рады прызначыў новага інспектара варшаўскай інспекторыі св. Станіслава Косткі, да якой належыць таксама беларуская дэлегатура. Папярэдні інспектар кс. Андрэй Вуек SDB у гэтым годзе заканчвае сваё шасцігадовае служэнне ў інспекторыі, і паводле Канстытуцыі Таварыства св. Францішка Сальскага яго члены павінны выбраць новага кандыдата.

Пасля папярэдніх кансультацый, распазнання і супольнай малітвы выбар быў зроблены, а 13 снежня 2018 года Генеральны Настаяцель разам са сваёй Радай зацвердзіў кандыдата на пасаду новага інспектара. Новым інспектарам на 2019-2025 гады абраны кс. Тадэвуш Ярэцкі SDB, які да абрання выконваў абавязкі дырэктара салезіянскай супольнасці ў Элку, а таксама быў пробашчам парафіі св. Рафала Каліноўскага ў гэтым жа горадзе.

Кс. Тадэвуш Ярэцкі, апрача кіравання супольнацю і салезіянскай парафіяй у Элку, выконваў калісьці функцыю рэктара вышэйшай духоўнай семінарыі ў Лодзі, а таксама некаторы час быў інспектарыяльным радцам па справах фармацыі ў варшаўскай інспекторыі.

Апошнія навіны

Думкі ксяндза Боско

Смерць – для некаторых, хто мае супакойнае сумленне з’яўляеццп суцехай,  мейсцам, якое вядзе да дасканаласці, шчасця, Для таго хто  мае на душы грэх, наадварот, з’яўляецца найвялікшай мукай, тэрорам, цярпеннем, роспаччу

Св. Ян Боско