Нядзеля, 09 Снежань 2018 23:03

Моладзевае чуванне прайшло ў Мінску

Аўтар Аніматар Дар’я Купцова

7 снежня ў мінскай парафіі св. Яна Хрысціцеля адбылося моладзевае чуванне, падчас якога ўдзельнікі з розных куткоў Беларусі змаглі паразважаць над тэмай “Святыя + Маладыя!”.

 

Чуванне распачалося св. Імшой, якую цэлебраваў кс. Павел Шчарбіцкі SDB. Падчас казання моладзь разам з айцом рэдэмптарыстам Анджэем Ядкоўскім разважала над пытаннем “Дзе я сапраўдны?”. Варта адзначыць, што св. Імшой у 22.00 распачаліся парафіяльныя рэкалекцыі, якія на працягу трох дзён будзе праводзіць ксёндз Анджэй.

Пасля св. Імшы адбылася адарацыя з разважаннем пры Найсвяцешым Сакрамэнце. Праз разважанне моладзь бліжэй пазнаёмілася з маладымі святымі – св. Тэрэзай ад Дзіцятка Езус і св. Тарцызіем. Пазнаёміцца з іншымі маладымі святымі можна было падчас малітвы на ружанцы, трансляцыя якой праходзіла на “Радыё Марыя”.

Таксама быў час на асабістую малітву, Вяночак да Божай Міласэрнасці і гадзінкі аб Беззаганным Зачацці Найсвяцейшай Панны Марыі. Чуванне скончылася раратняй св. Імшой.

 

Фотагалерэя

Апошнія навіны

Думкі ксяндза Боско

Самае найлепшае, што можна зрабіць у гэтым свеце, — гэта прывесці згубленыя душы на шлях цнотаў, што вядзе да Бога.

Св. Ян Боско