Аўторак, 18 Верасень 2018 07:47

Дні духоўных практыкаванняў для членаў Асацыяцыі Марыі Успамогі Хрысціянаў прайшлі ў Лебедзеве

Аўтар Наталля Субко – Старшыня АДМА ў Смаргоні

15 і 16 верасня ў вёсцы Лебедзева прайшлі дні духоўных практыкаванняў для членаў Асацыяцыі Марыі Успамогі Хрысціянаў (ADMA). Група сабралася разам з духоўным кіраўніком с.Веранікай Блізнюк FMA у мясцовай парафіі Найсвяцейшага Сэрца Езуса для таго, каб праз малітву глыбей асэнсаваць асабістую прыналежнасць да Асацыяцыі.

Практыкаванні распачаліся св.Імшой. Затым усе сабраліся ў парафіяльным доме на канферэнцыі. Для разважання с. Вераніка прапанавала ўрывак з Евангелля ад Мацвея 25, 14-30. З новай патрабавальнай сілай прагучалі добра вядомыя словы: “Бо кожнаму, хто мае, будзе дадзена і памножыцца... А бескарыснага слугу выкіньце вон у цемру...”.

Абавязкам кожнага члена Асацыяцыі з’яўляецца малітва да Найсвяцейшай Панны Марыі. Многа раз за два дні ўдзельнікі практыкаванняў звярталіся са словамі падзякі да Марыі Успамогі Хрысціянаў, асаблівым момантам стала ружанцовая малітва ў капліцы парафіяльнага дома. А затым – момант Эўхарыстычнай Адарацыі. На адарацыі вучыліся ў кс. Боско любіць Эўхарыстычнага Хрыста, годна Яго прымаць, а таксама больш давяраць Яму і Найсвяцейшай Маці.

У гэтыя дні адбылася яшчэ адна важная падзея для групы ADMA. Згодна з Правіламі Асацыяцыі Марыі Успамогі быў абраны Савет, вызначаны функцыі членаў Савета ў мясцовай групе ADMA, а таксама акрэслена служэнне, якое члены групы будуць выконваць у парафіі св. Міхала Арханёла ў Смаргоні, а таксама ў смаргонскім араторыі імя св. Яна Боско.

Фотагалерэя

Апошнія навіны

Думкі ксяндза Боско

Усе павінны заставіць у Езусе сваю надзею, паверыць у Яго, даверыцца Яму, таму што толькі Ён праз свю муку і смерць зрабіў нас Божымі сынамі, сваімі братамі, прыемнікамі тых жа скарбаў у небе.

Св. Ян Боско